ഇരവിപുരം: മണൽകടത്ത് കേസുമായി ബന്ധപ്പെട്ട് പിടികൂടാനെത്തിയ പൊലീസിനെ ആക്രമിച്ച് രക്ഷപ്പെടാൻ ശ്രമിച്ചയാളെ പൊലീസ് സാഹസികമായി പിടികൂടി. ഇരവിപുരം താന്നി സ്വദേശി ജോയ് ആണ് പിടിയിലായത്. താന്നി പള്ളിക്കുസമീപത്തുനിന്ന് മണൽ പിടികൂടിയതുൾപ്പെടെ മൂന്ന് കേസുകളിൽ പ്രതിയായ ഇയാളെ പിടികൂടാൻ പൊലീസ് പലതവണ ശ്രമിച്ചെങ്കിലും നടന്നില്ല. കഴിഞ്ഞദിവസം ഇയാളെ മഹാത്മാ സ്കൂൾ ജങ്ഷനിൽനിന്ന് ഇരവിപുരം പൊലീസിൻെറ നേതൃത്വത്തിലുള്ള സംഘം പിടികൂടുകയായിരുന്നു. ഇയാളെ പൊലീസ് സംഘത്തിൽനിന്ന് രക്ഷപ്പെടുത്താൻ ശ്രമിച്ച രണ്ടുപേരെ പൊലീസ് അന്വേഷിച്ചുവരികയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.