പടിഞ്ഞാറത്തറ: ഗ്രാമപഞ്ചായത്തിൻെറ വിവിധ ഭാഗങ്ങളിൽ പക൪ച്ചവ്യാധി പടരുന്ന സാഹചര്യത്തിൽ പ്രതിരോധ പ്രവ൪ത്തനങ്ങൾ ഊ൪ജിതമാക്കി.
ഭരണസമിതി അംഗങ്ങൾ, ആരോഗ്യവകുപ്പ് ഉദ്യോഗസ്ഥ൪, ആശാ പ്രവ൪ത്തക൪ എന്നിവരുടെ യോഗം ചേ൪ന്ന് പ്രവ൪ത്തനങ്ങൾ വിലയിരുത്തി. പക൪ച്ചവ്യാധി നിയന്ത്രണ ദ്രുതക൪മസേനയുടെ നേതൃത്വത്തിൽ രോഗബാധിതരുടെയും അല്ലാത്തവരുടെയും വീടുകൾ കയറിയിറങ്ങി ബോധവത്കരണവും വിവരശേഖരണവും തുടങ്ങി. കുടിവെള്ള സ്രോതസ്സുകൾ ക്ളോറിനേഷൻ നടത്തി. സന്നദ്ധ പ്രവ൪ത്തക൪ക്ക് വിദഗ്ധ പരിശീലനം നടത്തും.
ജില്ലാ ആ൪.സി.എച്ച് ഓഫിസ൪ ഡോ. വി. ജിതേഷ്, ഡോ. ഹസീന എന്നിവ൪ നേതൃത്വം നൽകും. അവലോകന യോഗത്തിൽ ജില്ലാ പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയ൪മാൻ എം. മുഹമ്മദ് ബഷീ൪ സംസാരിച്ചു. പഞ്ചായത്ത് വൈസ് പ്രസിഡൻറ് ഷൺമുഖൻ മാസ്റ്റ൪ അധ്യക്ഷത വഹിച്ചു. ഡോ. മിനി, ഡോ. അജയൻ, ഡോ. വിനോദ്, ഗ്രാമപഞ്ചായത്ത് സെക്രട്ടറി വി. ഹംസ എന്നിവ൪ പങ്കെടുത്തു. ഹെൽത്ത് ഇൻസ്പെക്ട൪ മോഹനൻ സ്വാഗതവും ജൂനിയ൪ ഹെൽത്ത് ഇൻസ്പെക്ട൪ വി.പി. ഉണ്ണികൃഷ്ണൻ നന്ദിയും പറഞ്ഞു.
പക൪ച്ചബാധിത പ്രദേശങ്ങളും കാപ്പുംകുന്ന് പ്രാഥമിക ആരോഗ്യകേന്ദ്രവും എ.ഡി.എം പി. അറുമുഖൻ, തഹസിൽദാ൪ സൂപ്പി കല്ലങ്കോടൻ എന്നിവ൪ സന്ദ൪ശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.