കുട്ടികളുടെ എണ്ണത്തില്‍ കുറവ്; അണ്‍എയ്ഡഡ് സ്കൂളുകള്‍ക്ക് നേട്ടം

പാലക്കാട്: ഒമ്പതാം പ്രവൃത്തി ദിനം കഴിഞ്ഞപ്പോൾ ജില്ലയിലെ സ്കൂളുകളിൽ മുൻവ൪ഷത്തെ അപേക്ഷിച്ച് കുട്ടികളുടെ എണ്ണം കുറഞ്ഞതായി കണ്ടെത്തി. ഒന്നാംക്ളാസ് പ്രവേശത്തിന് സ൪ക്കാ൪, എയ്ഡഡ് സ്കൂളുകളെക്കാൾ രക്ഷിതാക്കൾ തെരഞ്ഞെടുത്തത് അൺഎയ്ഡഡ് സ്കൂളുകളെയാണ്. 2011-12 അധ്യയന വ൪ഷത്തെക്കാൾ സ൪ക്കാ൪, എയ്ഡഡ് സ്കൂളുകളിൽ ഒന്നാം ക്ളാസിലേക്ക് പ്രവേശം നേടിയവരുടെ എണ്ണവും കുറഞ്ഞു.
ആകെ വിദ്യാ൪ഥികളുടെ എണ്ണത്തിൽ 21,739ന്റെ കുറവാണുള്ളത്. 2011-12ൽ ഒന്ന് മുതൽ 10 വരെ ക്ളാസുകളിൽ 4,00,140 കുട്ടികൾ ഉണ്ടായിരുന്നത് 3,78,401 ആയി കുറഞ്ഞു. ഒന്നിലേക്ക് 14,555 ആൺകുട്ടികളും 14,814 പെൺകുട്ടികളും ഉൾപ്പെടെ 29,369 കുട്ടികളാണ് ചേ൪ന്നത്. കഴിഞ്ഞവ൪ഷം 30,991 ആയിരുന്നു. 1,622 പേരുടെ കുറവുണ്ട്.
സ൪ക്കാ൪ സ്കൂളുകളിൽ 7,778 ഉും എയ്ഡഡിൽ 17,568 കുട്ടികളും ഒന്നിൽ പ്രവേശം നേടി. അൺഎയ്ഡഡിൽ 4,023 കുട്ടികളാണ് ചേ൪ന്നത്. എന്നാൽ, മുൻവ൪ഷത്തെ അപേക്ഷിച്ച് സ൪ക്കാ൪ സ്കൂളിൽ 274ഉം എയ്ഡഡിൽ 1,516ഉം കുട്ടികൾ കുറഞ്ഞപ്പോൾ അൺഎയ്ഡഡ് സ്കൂളുകളിൽ 168 കുട്ടികൾ വ൪ധിച്ചു.
ഇത്തവണ 44,119 കുട്ടികളാണ് 10ാം ക്ളാസിലുള്ളത്. ഇതിൽ 21,991 ആൺകുട്ടികളും 22,128 പെൺകുട്ടികളുമാണ്.