മലപ്പുറം: വൃക്കരോഗം വ൪ധിക്കുന്ന സാഹചര്യത്തിൽ ബോധവത്കരണത്തിനായി കിഡ്നി പേഷ്യൻറ്സ് വെൽഫെയ൪ സൊസൈറ്റി തയാറാക്കിയ ഡോക്യുമെൻററി ‘ജസ്റ്റ് എ മിനിറ്റ്’ പ്രദ൪ശനം തുടങ്ങി. സീഡി ജില്ലയിലെ മൂവായിരത്തോളം ത്രിതല പഞ്ചായത്തംഗങ്ങൾക്കും മുനിസിപ്പൽ കൗൺസില൪മാ൪ക്കും വിതരണം ചെയ്തുവരികയാണ്. പ്രകാശനം നഗരവികസനകാര്യ മന്ത്രി മഞ്ഞളാംകുഴി അലി നി൪വഹിച്ചു.
വൃക്കരോഗത്തിൻെറ വിപത്തുകൾ ചിത്രീകരിച്ച ഡോക്യുമെൻററിയിൽ രോഗിയും കുടുംബവും അനുഭവിക്കുന്ന സാമ്പത്തിക-മാനസിക പ്രശ്നങ്ങളും ദൃശ്യവത്കരിക്കുന്നു. വൃക്കദാനം സംബന്ധിച്ച് പൊതുജനങ്ങളിലുള്ള ആശങ്കകൾ ദുരീകരിക്കാൻ സഹായിക്കുംവിധം വൃക്കദാനം ചെയ്തവരുടെയും വൃക്ക സ്വീകരിച്ചവരുടെയും അനുഭവങ്ങളും പങ്കുവെക്കുന്നുണ്ട്.
വൃക്കരോഗ വിദഗ്ധരുടെ വിശദീകരണങ്ങളും രാഷ്ട്രീയ-സാമൂഹിക-സാംസ്കാരിക-ഭരണ മണ്ഡലങ്ങളിലെ പ്രമുഖരുടെയും അഭിപ്രായങ്ങളും പാണക്കാട് ഹൈദരലി ശിഹാബ്തങ്ങൾ, ഡോ. പി.കെ. വാര്യ൪ സിനിമാ നടൻ സുരേഷ്ഗോപി തുടങ്ങിയവരുടെ ആഹ്വാനങ്ങളും ഡോക്യുമെൻററിയിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.