പാവറട്ടി: മുല്ലശേരി പഞ്ചായത്തംഗവും സി.പി.എം നേതാവുമായ സി.എ. ബാബുവിനെ ആക്രമിച്ച കേസിൽ രണ്ട് ആ൪.എസ്.എസ് പ്രവ൪ത്തക൪ കൂടി പിടിയിൽ. ഇതോടെ സംഭവത്തിൽ ഏഴുപേ൪ അറസ്റ്റിലായെന്ന് പൊലീസ് പറഞ്ഞു. എടക്കളത്തൂ൪ കുളത്തുംപറമ്പിൽ രാഗേഷ് (22), മുല്ലശേരി മതുക്കര കുന്നത്തുള്ളി സനോജ് (22) എന്നിവരെയാണ് ഗുരുവായൂ൪ സി.ഐയും സംഘവും അറസ്റ്റ് ചെയ്തത്. കഴിഞ്ഞ മാ൪ച്ച് അഞ്ചിനാണ് മുല്ലശേരി ഗ്രാമപഞ്ചായത്തംഗവും ലോക്കൽ കമ്മിറ്റി സെക്രട്ടറിയുമായ സി.എ. ബാബുവിനെ മാരുതി വാഗണറിൽ എത്തിയ സംഘം ആക്രമിച്ചത്. കാറിൽ വീട്ടിലേക്ക് വന്നിരുന്ന ബാബുവിനെ വീടിനടുത്ത് വെച്ച് മാരകായുധങ്ങളുമായി എത്തിയ സംഘം ആക്രമിക്കുകയായിരുന്നു. കാ൪ സെൻട്രൽ ലോക്ക് ചെയ്തിരുന്നതിനാൽ അക്രമികൾക്ക് കാറിൻെറ ഡോ൪ തുറക്കാനായില്ല. സംഭവത്തിന് പിന്നിലുള്ള മുഴുവൻ പേരെയും പിടികൂടണമെന്നാവശ്യപ്പെട്ട് കഴിഞ്ഞ വ്യാഴാഴ്ച സി.പി.എം പാവറട്ടി പൊലീസ് സ്റ്റേഷൻ മാ൪ച്ച് നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.