ആലുവ: കാലിക്കറ്റ് സ൪വകലാശാലയിലെ ഭൂമിദാന വിവാദത്തിൽ ലീഗ് പ്രതിനിധികളായ സിൻഡിക്കേറ്റംഗങ്ങളോട് വിശദീകരണം തേടുമെന്ന് മന്ത്രി പി.കെ. കുഞ്ഞാലിക്കുട്ടി. ആലുവ പാലസിൽ മാധ്യമ പ്രവ൪ത്തകരോട് സംസാരിക്കുകയായിരുന്നു അദ്ദേഹം.
സ൪ക്കാറിനെയും വിദ്യാഭ്യാസ മന്ത്രിയെയും ഇരുട്ടിൽ നി൪ത്തിക്കൊണ്ടുള്ള തീരുമാനമാണ് സിൻഡിക്കേറ്റംഗങ്ങൾ എടുത്തത്.ഇത് ഒരിക്കലും അംഗീകരിക്കില്ല. ഇതിനെ ശക്തമായി എതി൪ക്കും. നെയ്യാറ്റിൻകരയിൽ പിറവം ആവ൪ത്തിക്കും. മുല്ലപ്പെരിയാ൪ പോലെ പൊങ്ങിവരുന്ന യു.ഡി.എഫിലെ വിഷയങ്ങൾ മുല്ലപ്പൂമണം പോലെ പോകും.
കഴിഞ്ഞ ഒരു വ൪ഷമായി യു.ഡി.എഫ് സ൪ക്കാറിന്റെ ഭരണം ജനങ്ങൾ പ്രതീക്ഷയോടെയാണ് ഉറ്റുനോക്കുന്നത്. തൊഴിലില്ലാത്ത ചെറുപ്പക്കാ൪ക്ക് തൊഴിലവസരങ്ങൾ സൃഷ്ടിക്കാനും സംസ്ഥാനത്തിന്റെ വികസനത്തിനും മുൻതൂക്കം നൽകുന്നുണ്ട്. ബുധനാഴ്ച യു.ഡി.എഫ് യോഗം തിരുവനന്തപുരത്ത് നടക്കും. ഇതോടെ എല്ലാ പ്രശ്നങ്ങഹളും പരിഹരിക്കപ്പെടുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.