വരണ്ടുണങ്ങി കുന്തിപ്പുഴ

മണ്ണാ൪ക്കാട്: കുന്തിപ്പുഴ വോത്തോഴികാവിൽ തടയണക്ക് താഴെ വരണ്ടുണങ്ങുന്നു. രൂക്ഷമായ വേനലിലാണ് കുന്തിപ്പുഴയിൽ നീരൊഴുക്ക് കുറഞ്ഞതോടെ പുഴ വരണ്ടുണങ്ങുന്നത്.
തടയണക്ക് മുകളിൽ വെള്ളമുണ്ടെങ്കിലും നീരൊഴുക്ക് കുറഞ്ഞത് താഴെയുള്ള പ്രദേശങ്ങളിൽ കുടിവെള്ള ക്ഷാമത്തിനിടയാക്കി. സമീപത്തെ കൃഷികൾക്കും വെള്ളം ലഭിക്കാത്ത സ്ഥിതിയാണ്. ഒരുവശത്തുകൂടെ നേ൪ത്ത നീ൪ച്ചാലായാണ് തടയണക്ക് താഴേക്ക് പുഴയൊഴുകുന്നത്.
തടയണയിലൂടെ ആവശ്യത്തിന് വെള്ളം താഴേക്ക് തുറന്നുവിടണമെന്ന ആവശ്യം ശക്തമാണ്.