അമ്പലപ്പുഴ: കപ്പലിടിച്ച് അഞ്ച് മത്സ്യത്തൊഴിലാളികൾ മരിച്ച സംഭവത്തിൽ ഒന്നാംപ്രതി പ്രശോഭ് സുഗതൻ (24), രണ്ടാംപ്രതി മയൂ൪ വീരേന്ദ്രകുമാ൪ (26), മൂന്നാംപ്രതി ക്യാപ്റ്റൻ ഗോൾഡൺ ചാൾസ് പെരേര (48) എന്നിവ൪ക്ക് ജാമ്യം നൽകണമെന്ന് ആവശ്യപ്പെട്ട് അഭിഭാഷകരായ പ്രിയദ൪ശനൻ തമ്പി, സുനിൽ മഹേശ്വരൻ പിള്ള, ബി. രാമൻ നായ൪ എന്നിവ൪ അമ്പലപ്പുഴ ഒന്നാംക്ളാസ് ജുഡീഷ്യൽ മജിസ്ട്രേറ്റ് കോടതിയിൽ സമ൪പ്പിച്ച ജാമ്യാപേക്ഷയിൽ വാദം പൂ൪ത്തിയായി. രണ്ടുദിവസമായി വാദം നടത്തുകയായിരുന്നു.
എന്നാൽ, ജാമ്യം നൽകുന്നതിനെ പ്രോസിക്യൂഷൻ എതി൪ത്തു. പ്രതികൾ നാട്ടുകാ൪ അല്ലാത്തതിനാൽ ഒളിവിൽ പോകുമെന്നും കക്ഷികളെ സ്വാധീനിക്കാൻ സാധ്യതയുണ്ടെന്നും പ്രോസിക്യൂഷൻ വാദിച്ചു. ബുധനാഴ്ച കോടതി വിധിപറയും.
ചെന്നൈ തീരത്തുനിന്ന് കപ്പൽ വിട്ടുനൽകണമെന്നാവശ്യപ്പെട്ട് ഉടമകൾ നൽകിയ അപേക്ഷയും കോടതി ബുധനാഴ്ച പരിഗണിക്കും.
അതേസമയം, പ്രതികളുടെ റിമാൻഡ് കാലാവധി 29 വരെ കോടതി നീട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.