കൊച്ചി : ജനങ്ങൾ അംഗീകരിച്ച 'ഇന്ത്യൻ റുപ്പി'ക്ക് ദേശീയ അംഗീകാരം ലഭിച്ചതിൽ സന്തോഷവും ആശ്വാസവുമുണ്ടെന്ന് സംവിധായകൻ രഞ്ജിത്. മികച്ച വാണിജ്യവിജയം നേടിയ സിനിമയാണ് ഇന്ത്യൻ റുപ്പി. ഏതൊരു സംവിധായകനും താൻ പടം പിടിക്കുമ്പോൾ ആഗ്രഹിക്കുന്നത് അതിന് പ്രേക്ഷകരുടെ വലിയ പിന്തുണ ലഭിക്കാനാണ്. വാണിജ്യവിജയം നേടാത്ത സിനിമകൾക്കാണ് പൊതുവെ അവാ൪ഡുകൾ ലഭിക്കുക. പുരസ്കാര നിറവിൽ സംവിധായകൻ സന്തോഷിക്കുമ്പോൾ തനിക്ക് സാമ്പത്തിക നഷ്ടമുണ്ടാക്കിയ ഒരു സിനിമക്ക് പുരസ്കാരം ലഭിക്കുന്നതിൽ ഒരു നി൪മാതാവിന് എങ്ങനെയാണ് സന്തോഷിക്കാനാകുക. എന്നാൽ, ഈ അവസ്ഥക്ക് മാറ്റം സംഭവിച്ചിട്ടുണ്ട്. എന്നാൽ, ചിലപ്പോൾ തിയറ്ററുകളിൽ നല്ല സിനിമകൾക്ക് ജനകീയ അംഗീകാരം ലഭിക്കാതെ പോകുന്നുണ്ട്. 'ആദിമധ്യാന്തം' പോലെയുള്ള നവാഗത സംവിധായകരുടെ സിനിമകൾ അംഗീകരിക്കപ്പെടുന്നതിലും സന്തോഷമുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.