കട്ടപ്പന: മുല്ലപ്പെരിയാ൪ സമരസമിതി ചപ്പാത്തിൽ നടത്തിവരുന്ന റിലേ ഉപവാസ സമരത്തിൻെറ അഞ്ചാം വാ൪ഷിക ദിനമായ 25 ന് ആയിരങ്ങൾ പങ്കെടുക്കുന്ന പ്രതിഷേധ റാലിയും പൊതുസമ്മേളനവും നടക്കും.
2006 ഡിസംബ൪ 25ന് ചപ്പാത്തിൽ ആരംഭിച്ച റിലേ ഉപവാസ സമരം ആറാം വ൪ഷത്തിലേക്ക് കടക്കുകയാണ്. ഭൂചലനത്തിൻെറ പശ്ചാത്തലത്തിൽ ദുരന്ത ഭീഷണി നേരിടുന്ന പെരിയാ൪ തീരദേശവാസികളുടെ കടുത്ത പ്രതിഷേധം അറിയിക്കാനാണ് റാലി സംഘടിപ്പിക്കുന്നതെന്ന് സമിതി രക്ഷാധികാരി ഫാ. ജോയി നിരപ്പേൽ, ചെയ൪മാൻ പ്രഫ. സി.പി. റോയി, സാബു വേങ്ങവേലി, കെ.പി.എം. സുനിൽ, ഷാജി.പി.ജോസഫ്, അൻപെയ്യൻ എന്നിവ൪ അറിയിച്ചു. മുല്ലപ്പെരിയാറിൽ പുതിയ ഡാം നി൪മിക്കുക, ഡാം ഡീ കമീഷൻ ചെയ്യുക, ദുരന്ത നിവാരണത്തിനുള്ള ഒരുക്കങ്ങൾ ശക്തിപ്പെടുത്തുക തുടങ്ങിയ ആവശ്യങ്ങളുന്നയിച്ച് ചപ്പാത്തിൽ നടത്തിവരുന്ന റിലേ ഉപവാസ സമരവും അനിശ്ചിതകാല ഉപവാസവും തുടരുമെന്നും ഭാരവാഹികൾ പറഞ്ഞു. പ്രതിഷേധ റാലിയും പൊതുസമ്മേളനവും സിവിക് ചന്ദ്രൻ ഉദ്ഘാടനം ചെയ്യും. പ്രഫ. സി.ആ൪. നീലകണ്ഠൻ മുഖ്യപ്രഭാഷണം നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.