യൂനിയന്‍ പ്രശ്നം: ആന ഉടമകളുടെ മര്‍ദനമേറ്റ പാപ്പാന്‍ ആശുപത്രിയില്‍

പരവൂ൪: യൂനിയൻ രൂപവത്കരണവുമായി ബന്ധപ്പെട്ട ത൪ക്കത്തിൽ ആന ഉടമകൾ പാപ്പാനെ മ൪ദിച്ചു. പാപ്പനംകോട് വെള്ളേക്കോണം കീഴേക്കുന്നുവിളാകം വീട്ടിൽ അനിൽകുമാറിൻെറ മകൻ കണ്ണൻ (23) ആണ് മ൪ദനമേറ്റ് നെടുങ്ങോലം ഗവ. രാമറാവു താലൂക്കാശുപത്രിയിൽ കഴിയുന്നത്. മൂന്ന് വ൪ഷമായി കണ്ണൻ പൂതക്കുളത്തിനടുത്ത് കൂനംകുളത്തുള്ള ഭാര്യാ വീട്ടിലാണ് താമസിച്ചുവരുന്നത്.
ചൊവ്വാഴ്ച രാവിലെ ഏഴോടെയാണ് സംഭവം. പുത്തൻകുളം സ്വദേശിയായ ഒരാളുടെ ആനപ്പാപ്പാനാണ് കണ്ണൻ. കഴിഞ്ഞ ദിവസം ആനയുമായി പാലോട് നിന്ന ഇയാളോട് ആനയെ പുത്തൻകുളത്തെത്തിക്കാൻ ഉടമ ആവശ്യപ്പെട്ടു. ചൊവ്വാഴ്ച വെളുപ്പിനാണ് എത്തിയത്. ഏഴോടെ ആലപ്പുഴ കിടക്കാംപറമ്പിലേക്ക് ആനയുമായി പോകാൻ നി൪ദേശിച്ചപ്പോൾ ശാരീരിക അവശതമൂലം പോകാൻ കഴിയില്ളെന്നും മറ്റൊരു പാപ്പാനെ ഏ൪പ്പാടാക്കാനും കണ്ണൻ പറഞ്ഞു. എന്നാൽ യൂനിയൻ നേതാക്കളുടെ നി൪ദേശപ്രകാരമാണ് ഇയാൾ ആനയെ കൊണ്ടുപോകാൻ വിസമ്മതിക്കുന്നതെന്ന് പറഞ്ഞ് ആന ഉടമയും ഇയാളുടെ സഹായികളായ മറ്റ് നാലുപേരും ചേ൪ന്ന് തന്നെ മ൪ദിച്ചെന്നാണ് കണ്ണൻ പറയുന്നത്.
ബാറ്റയും കൂലിയും പുതുക്കി നിശ്ചയിക്കണമെന്ന യൂനിയൻെറ ആവശ്യമാണ് വിദ്വേഷത്തിന് കാരണമത്രെ. കേരളാ എലിഫൻറ് ഓണേഴ്സ് അസോസിയേഷനും കേരള ആനത്തൊഴിലാളി യൂനിയനും ചേ൪ന്ന് കഴിഞ്ഞമാസം 28 നുണ്ടാക്കിയ കരാ൪പ്രകാരം എഴുന്നള്ളിപ്പ് ദിവസങ്ങളിൽ ബത്തയായി 1600 രൂപയും ഇതിന് പുറമെ ശമ്പളമായി 400 രൂപയും നൽകണം.
എഴുന്നള്ളിപ്പില്ലാത്ത ദിവസങ്ങളിൽ 500 രൂപയും ആനയുടെ ചികിത്സാ സമയത്ത് 350 രൂപയും നൽകണം. ടൂറിസ്റ്റുകളുടെ സവാരിക്ക് പ്രതിദിനം 500 രൂപ കൊടുക്കണമെന്നും വ്യവസ്ഥയുണ്ട്.
എന്നാൽ ഇവിടെ എഴുന്നള്ളത്തിന് 1600 രൂപ മാത്രമാണ് നൽകുന്നത്. മറ്റുള്ളവയൊന്നും നൽകാറില്ലത്രെ. വ്യവസ്ഥ പ്രകാരമുള്ള ബത്തയും ശമ്പളവും നൽകണമെന്ന് യൂനിയനും പാപ്പാൻമാരും ആവശ്യപ്പെട്ടതാണ് ഉടമകളെ ചൊടിപ്പിച്ചതെന്നാണ് തൊഴിലാളികൾ പറയുന്നത്. മ൪ദനമേറ്റ പാപ്പാൻ പരവൂ൪ പൊലീസിൽ പരാതി നൽകി.