മുംബൈ: ഇസ്ലാമിക പ്രഭാഷകന്‍ സാകിര്‍ നായികിനെതിരായ മാധ്യമവിചാരണ അവസാനിപ്പിക്കണമെന്ന് മജ്ലിസെ ഇത്തിഹാദുല്‍ മുസ്ലിമീന്‍ ആവശ്യപ്പെട്ടു. പാര്‍ട്ടിയുടെ ഒൗറംഗാബാദ് എം.എല്‍.എ ഇംതിയാസ് ജലീലാണ് പ്രസ്താവനയില്‍ ആവശ്യമുന്നയിച്ചത്. രാജ്യത്തിന്‍െറ നിയമമനുസരിച്ച് ഒരു കേസുപോലും നായികിനെതിരെ രജിസ്റ്റര്‍ ചെയ്തിട്ടില്ല. എന്നാല്‍, ചില മാധ്യമങ്ങള്‍, പ്രത്യേകിച്ച് ദേശീയ ടെലിവിഷന്‍ ചാനലുകള്‍ അദ്ദേഹത്തെ തീവ്രവാദത്തെ പിന്തുണക്കുന്നയാളായി പ്രഖ്യാപിച്ചിരിക്കയാണ്. ഈ മാധ്യമ വിചാരണ അവസാനിപ്പിക്കണം. ആരെങ്കിലും നിയമം തെറ്റിക്കുന്നുണ്ടെങ്കില്‍ അവര്‍ക്കെതിരെ നടപടിയെടുക്കണം -പ്രസ്താവനയില്‍ ആവശ്യപ്പെട്ടു. മതസ്വാതന്ത്ര്യവും അഭിപ്രായ സ്വാതന്ത്ര്യവും ഭരണഘടന ഉറപ്പു നല്‍കിയിട്ടുണ്ടെന്നും അതിനനുസൃതമായാണ് സാകിര്‍ നായിക് പ്രഭാഷണങ്ങള്‍ നടത്തുന്നതെന്നും അദ്ദേഹം കൂട്ടിച്ചേര്‍ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.