ചെന്നൈ: വിവാദത്തിനിടയിലും ഇളയ ദളപതി വിജയ് നായകനായ തമിഴ് ചിത്രം ‘സർക്കാർ’ റെക്കോർഡ് കളക്ഷനിലേക്ക്. നാലു ദിവസം കൊണ്ട് ചിത്രം 150 കോടി രൂപാ കളക്ഷൻ നേടിയതായി നേരത്തെ പ്രമുഖ ട്രേഡ് അനലിസ്റ്റുകൾ സ്ഥിരീകരിച്ചിരുന്നു.
ലോകമെമ്പാടുമായി 3000ലധികം തിയറ്ററുകളിൽ റിലീസ് ചെയ്ത ചിത്രം രണ്ടാം ദിവസം തന്നെ 100 കോടി മറികടന്നിരുന്നു. വിജയിയുടെ സർവകാല റെക്കോർഡ് ചിത്രം 'തെറി'യെ മറികടന്ന് മുന്നേറുകയാണ് ‘സർക്കാർ’. കഴിഞ്ഞ ഒരാഴ്ചയിൽ തന്നെ 200 കോടിക്ക് മുകളിൽ കളക്ഷൻ പിന്നിടുമെന്നാണ് ലഭിക്കുന്ന വിവരം.
വിജയ് നായകനായി 100 കോടി ക്ലബ്ബിലെത്തുന്ന ആറാമത്തെ ചിത്രമാണ് സർക്കാർ. വേഗത്തില്‍ 100 കോടി സ്വന്തമാക്കിയ തമിഴ് ചിത്രമെന്ന പുതിയ റെക്കോർഡും സർക്കാർ സ്വന്തമാക്കി.
ബാഹുബലി 2ന്‍റെ തമിഴ്‌നാട്ടിലെ ആദ്യദിന കളക്ഷനും സര്‍ക്കാര്‍ തകര്‍ത്തുവെന്ന് ഒരു ദേശീയ ദിനപത്രം റിപ്പോര്‍ട്ട് ചെയ്തിരുന്നു. ഇനി ഏറ്റവും കൂടുതല്‍ പണം വാരുന്ന തമിഴ് ചിത്രമെന്ന നേട്ടം കൂടി സര്‍ക്കാർ മറികടക്കുമെന്നാണ് ആരാധകരും നിർമാതാക്കളായ സൺ പിക്ചേഴ്സും പ്രതീക്ഷിക്കുന്നത്.
#Sarkar150CR+ WW gross, in just 4 days Crosses Theri's WW gross & is steadily racing towards the 200 CR mark next. Overseas is giving grt numbers for #ThalapathyVijay as usual, along with TN.. His 3rd 150+.. Vera level! #Sarkar pic.twitter.com/5LvDLgM335
— Kaushik LM (@LMKMovieManiac) November 10, 2018
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.