ചെന്നൈ: ലോക്ഡൗണിന് ശേഷം സൂപ്പർ താരം സൂര്യയുടെ ചിത്രങ്ങൾക്ക് തിയറ്റർ വിലക്കേർപ്പെടുത്താൻ തമിഴ്നാട് ത ിയറ്റർ ഓണേഴ്സ് അസോസിയേഷൻ. സൂര്യയുടെ ഭാര്യയും നടിയുമായ ജ്യോതികയുടെ ‘പൊൻമകൾ വന്താൽ’ എന്ന ചിത്രം ഓവർ ദ ടോപ ് (OTT) പ്ലാറ്റ്ഫോമിൽ റിലീസ് ചെയ്യാൻ തീരുമാനിച്ചതാണ് തിയറ്റർ ഉടമകളെ ചൊടിപ്പിച്ചത്.
സിനിമകൾ ആദ്യം തിയറ്ററിലാണ് റിലീസ് ചെയ്യേണ്ടത്. ചിത്രം ആമസോൺ പ്രൈമിൽ റിലീസ് ചെയ്യാനുള്ള സൂര്യയുടെ 2ഡി എൻറർടൈൻമെൻറിൻെറ നീക്കത്തെ ശക്തമായി അപലപിക്കുന്നു- അസോസിയേഷൻ ഭാരവാഹിയായ പന്നീർസെൽവം പുറത്തുവിട്ട വീഡിയോയിൽ പറഞ്ഞു. ഒാൺലൈൻ റിലീസ് തടയണമെന്ന ആവശ്യത്തിൽ നിർമാതാവ് ഇതുവരെ പ്രതികരിച്ചില്ലെന്നും ആയതിനാൽ 2ഡി നിർമിക്കുന്ന ചിത്രങ്ങളും സൂര്യയുടെ ചിത്രങ്ങളും തിയറ്റർ കാണിക്കില്ലെന്നും അദ്ദേഹം കൂട്ടിച്ചേർത്തു.
സൂര്യ ആരാധകർ ഏറെ പ്രതീക്ഷയോടെ കാത്തിരിക്കുന്ന ‘സൂരറൈ പോട്ര്’ എന്ന ചിത്രത്തിൻെറ റിലീസിനെ തീരുമാനം പ്രതികൂലമായി ബാധിക്കുമോ എന്നാണ് ഏവരും കാത്തിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.