സമ്മിശ്ര പ്രതികരണങ്ങൾക്കിടയിലും വമ്പൻ കളക്ഷനുമായി കുതിക്കുകയാണ് ഇളയ ദളപതി വിജയ് നായകനായ തമിഴ് ചിത്രം സർക്കാർ. ലോകമെമ്പാടുമായി 3000ലധികം തിയറ്ററുകളിൽ റിലീസ് ചെയ്ത ചിത്രം രണ്ടാം ദിവസം തന്നെ 100 കോടി മറികടന്നതായാണ് റിപ്പോര്‍ട്ട്. പ്രമുഖ ട്രേഡ് അനലിസ്റ്റുകൾ കളക്ഷൻ സ്ഥിരീകരിച്ചിട്ടുണ്ട്.
വിജയ് നായകനായി 100 കോടി ക്ലബ്ബിലെത്തുന്ന ആറാമത്തെ ചിത്രമാണ് സർക്കാർ. വേഗത്തില്‍ 100 കോടി സ്വന്തമാക്കിയ തമിഴ് ചിത്രമെന്ന പുതിയ റെക്കോർഡും ഇനി സർക്കാരിന് സ്വന്തം. ഒരു ദേശീയ ദിനപത്രം റിപ്പോര്‍ട്ട് ചെയ്തത് അനുസരിച്ച് ബാഹുബലി 2െൻറ തമിഴ്‌നാട്ടിലെ ആദ്യ ദിന കളക്ഷനും സര്‍ക്കാര്‍ തകര്‍ത്തു. ഇനി ഏറ്റവും കൂടുതല്‍ പണം വാരുന്ന തമിഴ് ചിത്രമെന്ന നേട്ടം കൂടി സര്‍ക്കാർ മറികടക്കുമെന്നാണ് ആരാധകരുടെയും നിർമാതാക്കളായ സൺ പിക്ചേഴ്സിെൻറയും പ്രതീക്ഷ.
This time is bigger and huge ! Mega Blockbuster Opening WW #Sarkar 100 Cr just a number and lot more to come in coming days.. #Sarkar100CrIn2Days pic.twitter.com/LY3j6gygRC
— A2 Studio (@A2studios2) November 8, 2018
തമിഴിലെ മുൻനിര സംവിധായകനായ എ.ആര്‍ മുരകദോസ് ആണ് പൊളിറ്റിക്കല്‍ ത്രില്ലര്‍ സ്വഭാവത്തിലുള്ള സര്‍ക്കാര്‍ സംവിധാനം ചെയ്തിരിക്കുന്നത്. മെഗാ ഹിറ്റുകളായ കത്തിക്കും തുപ്പാക്കിക്കും ശേഷം ഇരുവരും ഒരുമിച്ചപ്പോൾ മുൻ ചിത്രങ്ങളോളം മികച്ചതല്ല സർക്കാർ എന്നുള്ള പ്രതികരണങ്ങളും ഉയരുന്നുണ്ട്. എന്നാൽ അതൊന്നും ചിത്രത്തിെൻറ കളക്ഷനെ ബാധിക്കുന്നില്ല എന്നതിനുള്ള തെളിവാണ് തിയറ്ററുകളിലുള്ള പ്രേക്ഷക സാന്നിധ്യം.
കീര്‍ത്തി സുരേഷ്, വരലക്ഷ്മി ശരത്കുമാര്‍, യോഗി ബാബു, രാധ രവി എന്നിവരാണ് ചിത്രത്തിൽ മറ്റ് പ്രധാന വേഷങ്ങൾ കൈകാര്യം ചെയ്തിരിക്കുന്നത്. ചിത്രത്തിലെ ചില രംഗങ്ങൾ നീക്കം ചെയ്യണം എന്നാവശ്യപ്പെട്ട് തമിഴ്നാട് വാർത്താ വിനിമയ മന്ത്രി കടമ്പൂർ സി രാജു രംഗത്തുവന്നിരുന്നു. തമിഴ്നാട് സർക്കാർ നൽകിയ മിക്സി, ടി.വി, ഗ്രൈൻറർ തുടങ്ങിയ സാധനങ്ങൾ തീയിലേക്ക് വലിച്ചെറിയുന്ന ഗാനരംഗങ്ങൾ അക്രമം പ്രോത്സാഹിപ്പിക്കുന്നു എന്ന് കാട്ടിയാണ് നീക്കം ചെയ്യാൻ ആവശ്യപ്പെട്ടിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.