ചെന്നൈ: പ്രമുഖ കൊറിയോഗ്രാഫർ ബൃന്ദ സംവിധായക വേഷമണിയുന്നു. പ്രണയകഥ പറയുന്ന സിനിമയിൽ ദുൽഖർ സൽമാനും കാജൽ അഗർവാ ളും മുഖ്യവേഷങ്ങളിലെത്തുമെന്നാണ് അണിയറ സംസാരം.
കഥയുമായി ഇരുവരെയും ബൃന്ദ സമീപിച്ചിരുന്നു. കഥ ഇഷ്ടപ്പെട ്ട ഇരുവരും കരാർ ഒപ്പുവെച്ചിട്ടില്ലെന്നാണ് സൂചന. ‘സോയ ഫാക്ടർ’ എന്ന ബോളിവുഡ് ഹിറ്റിന് ശേഷം ‘വാൻ’, ‘കണ്ണും കണ്ണും കൊളൈയടിത്താൽ’ എന്നീ സിനിമകളാണ് ദുൽഖർ ഇപ്പോൾ ചെയ്യുന്നത്. കമൽഹാസെൻറ ശങ്കർ സിനിമയായ ‘ഇന്ത്യൻ 2’വിൽ കരാർ ചെയ്യപ്പെട്ട കാജൽ, വെങ്കട് പ്രഭു സംവിധാനം ചെയ്യുന്ന വെബ് സീരിസിലും അഭിനയിച്ച് വരികയാണ്.
നിരവധി ഹിന്ദി, തമിഴ്, മലയാളം സിനിമകൾക്ക് നൃത്ത സംവിധാനം നിർവഹിച്ചിട്ടുണ്ട് ബൃന്ദ. രജനികാന്ത്, മോഹൻലാൽ, കമൽ ഹാസൻ, ഐശ്വര്യ റായ്, വിജയ്, അജിത്ത് തുടങ്ങിയവർക്ക് നൃത്തച്ചുവടുകൾ പറഞ്ഞുകൊടുത്തിട്ടുള്ള ബൃന്ദ നിരവധി അവാർഡുകളും കരസ്ഥമാക്കിയിട്ടുണ്ട്. 1994ൽ കെ. എസ്. സേതുമാധവൻ സംവിധാനം ചെയ്ത ‘നമ്മവറി’ൽ നാഗേഷിെൻറ മകളായി വേഷമിട്ട ബൃന്ദയുടെ അഭിനയം ഏെറ ശ്രദ്ധ നേടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.