ശ്രീദേവിയുടെ മകൾ ജാൻവി കപൂറും ഷാഹിദ് കപൂറിെൻറ സഹോദരൻ ഇഷാൻ ഖട്ടറും പ്രധാന വേഷത്തിലെത്തുന്ന ‘ധഡക്’ എന്ന ചിത്രത്തിെൻറ ട്രെയിലർ പുറത്ത്. മുംബൈയിൽ കപൂർ കുടുംബത്തിെൻറ സാന്നിധ്യത്തിലായിരുന്നു ട്രെയിലർ റിലീസ്.
മറാത്തി ചിത്രമായ ‘സൈറാതി’െൻറ റീമേക്കാണ് ധഡക്. ദേശീയ അവാർഡ് നേടിയ സൈറാത് താനും അമ്മ ശ്രീദേവിയും ഒരുമിച്ചിരുന്നാണ് കണ്ടതെന്നും തന്നെ അതുപോെലാരു ചിത്രത്തിെൻറ ഭാഗമാക്കാനാണ് അമ്മ ആഗ്രഹിച്ചിരുന്നതെന്നും ജാൻവി ട്രെയിലർ ലോഞ്ചിൽ പറഞ്ഞു.
‘ചിത്രം കണ്ട ഉടനെ ഇതുപോലൊരു ചിത്രമായിരിക്കണം എെൻറ ആദ്യ ചിത്രമെന്ന് ഞാൻ അമ്മയോട് പറഞ്ഞിരുന്നു. അതേകുറിച്ച് ഞാനും അമ്മയും ഒരുപാട് സംസാരിച്ചു. അമ്മക്കും അതുതന്നെയായിരുന്നു ആഗ്രഹം. ഏതാനും ദിവസങ്ങൾക്കകം കരൺ ജോഹറിെൻറ വിളി വരികയും ധഡക് സംഭവിക്കുകയുമായിരുന്നു’- ജാൻവി ചടങ്ങിൽ പറഞ്ഞു.
‘ഞാൻ അമ്മയെ ഒരുപാട് മിസ് ചെയ്യുന്നു. എല്ലാ വികാരങ്ങളും ഉൾകൊണ്ട് കഠിനാധ്വാനം ചെയ്യുക. ഇതായിരുന്നു അമ്മ ശ്രീദേവി എനിക്ക് തന്ന ഉപദേശം’ സ്നേഹവും പിന്തുണയുമായി പിതാവ് ബോണി കപൂറും എനിക്കൊപ്പമുണ്ടായിരുന്നു- ജാൻവി കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.