മടിവാള നൂറുൽ ഹുദ മദ്റസ നബിദിന പരിപാടി മടിവാള ഇൻസ്പെക്ടർ മുഹമ്മദ് ഉദ്ഘാടനം ചെയ്യുന്നു
ബംഗളൂരു: പ്രവാചകൻ മുഹമ്മദ് നബി സകല മനുഷ്യരോടും കാരുണ്യം കാണിച്ച പ്രവാചകനാണെന്ന് മടിവാള ഇൻസ്പെക്ടർ മുഹമ്മദ് അഭിപ്രായപ്പെട്ടു. മടിവാള നൂറുൽ ഹുദ മദ്റസ കമ്മിറ്റി സംഘടിപ്പിച്ച മീലാദ് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. റോഡ് തടസ്സം സൃഷ്ടിക്കാതെ മീലാദ് റാലി നടത്തിയതിന് കമ്മിറ്റിയെ അദ്ദേഹം അഭിനന്ദിച്ചു.
പരിപാടിയിൽ മദ്റസ കമ്മിറ്റി പ്രസിഡന്റ് മുജീബ് അധ്യക്ഷതയും, ഫാറുഖ് അമാനി ഹുബ്ബുറസൂൽ പ്രഭാഷണവും നടത്തി. ഇബ്രാഹിം ബാഫഖി തങ്ങൾ, സത്താർ മൗലവി, അബ്ദുൽ ഗഫൂർ സഖാഫി, അബ്ദുറഹിമാൻ ഹാജി, സുബൈർ മൗലവി, റഫീഖ്, അബ്ദുറഷീദ്, സിയാദ്, ശരീഫ് തുടങ്ങിയവർ പങ്കെടുത്തു. ഇബ്രാഹിം സഖാഫി പയോട്ട സ്വാഗതവും ശിഹാബ് മടിവാള നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.