സി.​ജെ. റോ​യി​യു​ടെ മ​ര​ണം; ബം​ഗ​ളൂ​രു ഡി.​ഐ.​ജി​യോ​ട് റി​പ്പോ​ർ​ട്ട് തേ​ടി ക​ർ​ണാ​ട​ക മ​നു​ഷ്യാ​വ​കാ​ശ ക​മീ​ഷ​ൻ

ബം​ഗ​ളൂ​രു: വ്യ​വ​സാ​യ പ്ര​മു​ഖ​നും കോ​ൺ​ഫി​ഡ​ന്റ് ഗ്രൂ​പ് ഉ​ട​മ​യു​മാ​യി​രു​ന്ന സി.​ജെ. റോ​യി​യു​ടെ മ​ര​ണ​ത്തി​ലെ ദു​രൂ​ഹ​ത​ക​ളും ആ​ദാ​യ നി​കു​തി റെ​യ്ഡി​ന് പി​ന്നി​ൽ മ​റ​ഞ്ഞി​രി​ക്കു​ന്ന ച​ട്ട​ലം​ഘ​ന​ങ്ങ​ളും അ​ന്വേ​ഷി​ക്ക​ണ​മെ​ന്ന് ആ​വ​ശ്യ​പ്പെ​ട്ട് കേ​ര​ള ഹൈ​കോ​ട​തി അ​ഭി​ഭാ​ഷ​ക​നും പൊ​തു പ്ര​വ​ർ​ത്ത​ക​നു​മാ​യ അ​ഡ്വ. കു​ള​ത്തൂ​ർ ജ​യ്‌​സി​ങ് സ​മ​ർ​പ്പി​ച്ച പ​രാ​തി​യി​ൽ ക​ർ​ണാ​ട​ക സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ ബം​ഗ​ളൂ​രു ഡി.​ഐ.​ജി​യോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ടു.

ജ​നു​വ​രി 30ന് ​ബം​ഗ​ളൂ​രു കോ​ൺ​ഫി​ഡ​ന്റ് ഗ്രൂ​പ്പി​ന്റെ കോ​ൺ​സ​ൽ ഓ​ഫി​സി​ൽ റോ​യി സ്വ​യം വെ​ടി​വെ​ച്ച് മ​രി​ച്ചെ​ന്ന നി​ഗ​മ​ന​ത്തി​ലാ​ണ് പൊ​ലീ​സ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്തു​ന്ന​ത്.

മ​ര​ണം സം​ഭ​വി​ച്ച ദി​വ​സം റോ​യി ഓ​ഫി​സി​ൽ വ​ന്ന സ​മ​യ​ത്തെ​ക്കു​റി​ച്ച് ഓ​ഫി​സ് ജീ​വ​ന​ക്കാ​രും ആ​ദാ​യ​നി​കു​തി ഉ​ദ്യോ​ഗ​സ്ഥ​രും പൊ​ലീ​സി​ന് ന​ൽ​കി​യ മൊ​ഴി​യി​ൽ വ​ലി​യ വൈ​രു​ധ്യ​മു​ണ്ടെ​ന്ന് അ​ഭി​ഭാ​ഷ​ക​ൻ ന​ൽ​കി​യ പ​രാ​തി​യി​ൽ പ​റ​യു​ന്നു. ആ​ദാ​യ നി​കു​തി ഉ​ദ്യോ​ഗ​സ്ഥ​ർ ഓ​ഫി​സി​ൽ ഉ​ണ്ടാ​യി​രി​ക്കെ​യാ​ണ് സി.​ജെ. റോ​യി മ​രി​ച്ച​ത്. മ​ര​ണ​ത്തി​ൽ നി​ര​വ​ധി ദു​രൂ​ഹ​ത​ക​ൾ ഉ​യ​രു​ന്നു. ആ​ദാ​യ നി​കു​തി ഉ​ദ്യോ​ഗ​സ്ഥ​ർ സാ​ധാ​ര​ണ ന​ട​ത്തി​വ​ന്ന റെ​യ്ഡി​ന്റെ ന​ട​പ​ടി​ക്ര​മ​ങ്ങ​ൾ​ക്ക് വി​രു​ദ്ധ​മാ​യി​ട്ടാ​ണ് സി.​ജെ. റോ​യി​യു​ടെ സ്ഥാ​പ​ന​ത്തി​ലെ റെ​യ്ഡി​ലെ രീ​തി​ക​ളെ​ന്ന് വ്യ​ക്ത​മാ​ണ്. പ​ല ദി​വ​സ​ങ്ങ​ളി​ലാ​യി റെ​യ്ഡ് ന​ട​ത്തി​യ​തും പ​ല​കാ​ര​ണ​ങ്ങ​ൾ പ​റ​ഞ്ഞ് ര​ണ്ടും മൂ​ന്നും ഉ​ദ്യോ​ഗ​സ്ഥ​ർ പ​ല ഘ​ട്ട​ങ്ങ​ളി​ലാ​യി സി.​ജെ. റോ​യി​യു​മാ​യി ഇ​ട​പ​ഴ​കി​യ​തും ദു​രൂ​ഹ​ത​യാ​ണ്.

കേ​ര​ള​ത്തി​ൽ ജോ​ലി​ചെ​യ്തി​രു​ന്ന ഉ​ന്ന​ത റാ​ങ്കി​ലു​ള്ള ഒ​രു ഇ.​ഡി ഉ​ദ്യോ​ഗ​സ്ഥ​നെ അ​ടു​ത്തി​ടെ കേ​ന്ദ്ര ഗ​വ​ൺ​മെ​ന്റ് നി​ർ​ബ​ന്ധി​ത വി​ര​മി​ക്ക​ൽ ന​ൽ​കി പു​റ​ത്താ​ക്കി​യി​രു​ന്നു. അ​തി​നാ​ൽ ആ​ദാ​യ നി​കു​തി ഉ​ദ്യോ​ഗ​സ്ഥ​ർ എ​ല്ലാ​വ​രും സ​ത്യ​സ​ന്ധ​മാ​യി പ്ര​വ​ർ​ത്തി​ക്കു​ന്ന​വ​രാ​യി കാ​ണാ​ൻ ക​ഴി​യി​ല്ല. കൊ​ച്ചി​യി​ലു​ള്ള സം​ഘ​മാ​ണ് ബം​ഗ​ളൂ​രു​വി​ൽ ത​ങ്ങി നി​ര​വ​ധി ത​വ​ണ റോ​യി​യു​മാ​യി ബ​ന്ധ​പ്പെ​ട്ടി​രി​ക്കു​ന്ന​ത്. റെ​യ്ഡ് ന​ട​ക്കു​മ്പോ​ഴും മ​റ്റ് തു​ട​ർ​ന​ട​പ​ടി​ക​ളി​ലും ര​ണ്ട് സാ​ക്ഷി​ക​ൾ വേ​ണ​മെ​ന്ന ച​ട്ടം പാ​ലി​ക്ക​പ്പെ​ട്ടി​ട്ടി​ല്ല.

നി​ല​വി​ൽ ന​ട​ക്കു​ന്ന പൊ​ലീ​സ് അ​ന്വേ​ഷ​ണം ആ​ദാ​യ നി​കു​തി വ​കു​പ്പി​നെ മു​ഖ​വി​ല​ക്ക് എ​ടു​ത്തു​ള്ള​താ​ണ്. ആ​ദാ​യ നി​കു​തി ഉ​ദ്യോ​ഗ​സ്ഥ​ർ ഇ​ട​നി​ല​ക്കാ​രെ ഉ​പ​യോ​ഗി​ച്ചി​രു​ന്നോ​യെ​ന്ന​തും പ​രി​ശോ​ധി​ക്കേ​ണ്ട​താ​ണ്. സു​പ്രീം​കോ​ട​തി പ​റ​യു​ന്ന മാ​ന​ദ​ണ്ഡ​ങ്ങ​ൾ പ​ല ഘ​ട്ട​ങ്ങ​ളി​ലും ആ​ദാ​യ നി​കു​തി വ​കു​പ്പ് പാ​ലി​ക്കാ​ത്ത​തി​ന് തെ​ളി​വു​ക​ൾ പു​റ​ത്തു​വ​രു​ന്നു​ണ്ട്.

റെ​യ്ഡി​ന് പി​റ​കി​ൽ മ​റ​ഞ്ഞി​രി​ക്കു​ന്ന ഇ​ട​പാ​ടു​ക​ളും മ​നു​ഷ്യാ​വ​കാ​ശ ലം​ഘ​ന​ങ്ങ​ളും പു​റ​ത്തു​വ​രാ​തി​രി​ക്കാ​ൻ ആ​ദാ​യ നി​കു​തി ഉ​ദ്യോ​ഗ​സ്ഥ​ർ സം​ഘ​ടി​ച്ച് തെ​ളി​വു​ക​ൾ ന​ശി​പ്പി​ക്കാ​ൻ ശ്ര​മി​ക്കു​ക​യാ​ണെ​ന്നും അ​ഡ്വ. കു​ള​ത്തൂ​ർ ജ​യ്‌​സി​ങ് ക​ർ​ണാ​ട​ക സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​നി​ൽ ന​ൽ​കി​യ പ​രാ​തി​യി​ൽ വ്യ​ക്ത​മാ​ക്കു​ന്നു.