കൽപറ്റ: പുല്‍വാമയില്‍ ഭീകരാക്രമണത്തിൽ കൊല്ലപ്പെട്ട സി.ആർ.പി.എഫ് ജവാൻ വി.വി. വസന്ത കുമാറിെൻറ വീട് നടന്‍ മമ്മൂട്ടി സന്ദർശിച്ചു. ചൊവ്വാഴ്ച 12ഓടെ തൃക്കൈപ്പറ്റയിലെ മുക്കംകുന്ന് വാഴക്കണ്ടി തറവാട്ടുവീട്ടിൽ എത്തിയത്. നടന്‍ അബു സലീമും പ്രൊഡക്ഷന് കണ്ട്രോളര് ബാദുഷയും മമ്മൂട്ടിക്ക് ഒപ്പം ഉണ്ടായിരുന്നു. വസന്തകുമാറിെൻറ ഭാര്യ ഷീനയെയും മാതാവിനെയും മക്കളെയും നടൻ ആശ്വസിപ്പിച്ചു. തുടർന്ന് തറവാട് വീടിനോടു ചേർന്ന വസന്തകുമാറിെൻറ ശവകുടീരത്തിൽ മമ്മൂട്ടി റീത്ത് സമർപ്പിച്ചു. എറണാകുളത്തുനിന്ന് വിമാനമാർഗം കരിപ്പൂരിലെത്തിയശേഷം വയനാട്ടിലേക്ക് തിരിക്കുകയായിരുന്നു. അരമണിക്കൂറിനുശേഷം അദ്ദേഹം ലൊക്കേഷനിലേക്ക് മടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.