ചാത്തന്നൂർ: അയലത്തെ പ്ലാവിലെ ചക്കവീണ് ചാത്തന്നൂർ താഴം വടക്ക് മുണ്ടയ്ക്കവിള വീട്ടിൽ ലക്ഷ്മിക്കുട്ടി അമ്മയുടെ വീടിെൻറ അടുക്കളയുടെ മേൽക്കൂര തകർന്നു. ഞായറാഴ്ച രാത്രി ഏഴരയോടെ ഉണ്ടായ കാറ്റിലും മഴയിലുമാണ് സംഭവം. ഈ സമയം അടുക്കളയിലുണ്ടായിരുന്ന 90 വയസ്സുളള ലക്ഷ്മിക്കുട്ടി തലനാരിഴക്കാണ് രക്ഷപ്പെട്ടത്. ഷീറ്റിട്ടിരിക്കുന്ന മേൽക്കൂരയിൽ ചക്കവീണ് ഷീറ്റടക്കം അടുക്കളക്കകത്തേക്ക് വീഴുകയായിരുന്നു. അയലത്തെ പ്ലാവിെൻറ ശിഖരങ്ങൾ ഭൂരിഭാഗവും ലക്ഷ്മിക്കുട്ടിയമ്മയുടെ വീടിനു മുകളിലേക്ക് ചാഞ്ഞ് നിൽക്കുകയാണ്. ഇതു വെട്ടി മാറ്റണമെന്ന് ഉടമസ്ഥനോട് പലതവണ ആവശ്യപ്പെടുകയും ചാത്തന്നൂർ ഗ്രാമപഞ്ചായത്തിൽ പരാതി നൽകുകയും ചെയ്തെങ്കിലും ഒരു നടപടിയും ഉണ്ടായില്ല. കാറ്റിലും മഴയിലും പ്ലാവിെൻറ ശിഖരം ഒടിഞ്ഞ് വീഴുമെന്ന ഭയപ്പാടിലാണിപ്പോൾ. കലക്ടർക്ക് പരാതി നൽകുമെന്ന് ലക്ഷ്മിക്കുട്ടിയമ്മ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.