കഴക്കൂട്ടം: അയിരൂപ്പാറ മരുതുംമൂടിന് സമീപം ബൈക്കപകടത്തിൽ വൊക്കേഷണൽ ഹയർ സെക്കൻഡറി വിദ്യാർഥി മരിച്ചു. പോത്തൻകോട് തേരുവിള വയ്പ്പർതല കെ.പി ഭവനിൽ പ്രഭാകരൻനായർ-വസന്തകുമാരി ദമ്പതികളുടെ മകൻ വിനോദ്കുമാർ (18) ആണ് മരിച്ചത്. വ്യാഴാഴ്ച വൈകീട്ട് മൂന്നോടെയായിരുന്നു അപകടം. ആറ്റിങ്ങൽ വി.എച്ച്.എസ്.എസിലെ രണ്ടാംവർഷ സയൻസ് വിദ്യാർഥിയായിരുന്നു വിനോദ്. അപകടത്തിൽ തെറിച്ചുവീണ വിനോദ് ഗുരുതരപരിക്കുകളോടെ അരമണിക്കൂറോളം റോഡിൽകിടന്നു. നാട്ടുകാരാണ് രക്ഷാപ്രവർത്തനം നടത്തിയത്. വിശാഖ്, വിനോദ് എന്നിവർ സഹോദരങ്ങളാണ്. സ്കൂട്ടർ യാത്രിക കൊടിക്കുന്നിൽ സ്വദേശി കാർത്തിക(21)ക്ക് ഗുരുതര പരിക്കേറ്റിട്ടുണ്ട്. ഇവരെ ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.