തിരുവനന്തപുരം: കായികരംഗത്തെ പ്രവർത്തനം വ്യാപിപ്പിക്കുന്നതിെൻറ ഭാഗമായി കേരള പൊലീസ് നീന്തൽ, കളരി എന്നിവക്കായി പ്രത്യേക പരിശീലന കേന്ദ്രങ്ങൾ തിരുവനന്തപുരത്ത് ആരംഭിക്കും. ഇതോടൊപ്പം ആധുനിക സൗകര്യമുള്ള ഫിസിയോ തെറപ്പി കേന്ദ്രവും ആരംഭിക്കാൻ തീരുമാനിച്ചിട്ടുണ്ടെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു. ഈ മേഖലയിൽ പ്രാവീണ്യമോ, യോഗ്യതാ സർട്ടിഫിക്കറ്റോ, സാങ്കേതിക പരിജ്ഞാനമോ ഉള്ള പൊലീസ് ഉദ്യോഗസ്ഥരെ തെരഞ്ഞെടുത്ത് ഈ കേന്ദ്രങ്ങളിൽ നിയോഗിക്കും. നീന്തലിൽ വനിതകളെയും കളരി, ഫിസിയോതെറപ്പി എന്നീ കേന്ദ്രങ്ങിൽ വനിതകളെയും പുരുഷന്മാരെയും നിയമിക്കും. യോഗ്യതയും താൽപര്യവുമുള്ള പൊലീസ് ഉദ്യോഗസ്ഥർ igptvmrange.pol@kerala.gov.in എന്ന മെയിൽ ഐഡിയിലോ, തപാൽ മാർഗമോ മാർച്ച് 25 നകം തിരുവനന്തപുരം റെയ്ഞ്ച് ഐ.ജിക്ക് അപേക്ഷ നൽകണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.