കൊല്ലം: കേരള യൂനിവേഴ്സിറ്റി 2017 ജൂലൈയിൽ നടത്തിയ ഫിസിക്സ് ഇലക്ട്രോ ഡയനാമിക്സ് പരീക്ഷയുടെ ഉത്തരക്കടലാസുകൾ കൃത്യമായി മൂല്യനിർണയത്തിന് വിധേയമാക്കണമെന്നും അപാകതകൾ പരിഹരിക്കണമെന്നും ഫ്രറ്റേണിറ്റി മൂവ്മെൻറ് ജില്ലാ സെക്രട്ടേറിയറ്റ് ആവശ്യപ്പെട്ടു. നിരുത്തരവാദിത്തപരമായാണ് മൂല്യനിർണയം നടന്നിട്ടുള്ളത്. 2014-15 അഡ്മിഷൻ സപ്ലിമെൻററി പരീക്ഷ എഴുതിയ കൊല്ലം എസ്.എൻ കോളജ്, ശാസ്താംകോട്ട ഡി.ബി കോളജ് എന്നിവിടങ്ങളിലെ വിദ്യാർഥികളാരും വിജയിച്ചിട്ടില്ല. പേപ്പർ വേണ്ടവിധം പരിഗണിച്ചിട്ടില്ലെന്നും ഉത്തരങ്ങൾക്കൊന്നും കൃത്യമായ മാർക്ക് ലഭിച്ചിട്ടില്ലെന്നുമാണ് വിദ്യാർഥികൾ പറയുന്നതെന്ന് ഫ്രറ്റേണിറ്റി മൂവ്മെൻറ് അഭിപ്രായപ്പെട്ടു. ജില്ലാ പ്രസിഡൻറ് എസ്.എം. മുഖ്താർ അധ്യക്ഷത വഹിച്ചു. ജനറൽ സെക്രട്ടറി എസ്. സഹല, സെക്രട്ടറിമാരായ എബിൻ ബാലാജി, അസ്ലം പെഴുമൂട്, അശ്വതി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.