പുനലൂർ: ജില്ലയുടെ കിഴക്കൻ മലയോരമേഖലയിൽ നിന്ന് സിവിൽ സർവിസ് ഉദ്യോഗാർഥികളെ പരിശീലിപ്പിക്കുന്നതിന് പുനലൂർ ഗവ.എച്ച്.എസ്.എസ് കേന്ദ്രമാക്കി സിവിൽ സർവിസ് അക്കാദമി ആരംഭിക്കുമെന്ന് മന്ത്രി കെ. രാജു പറഞ്ഞു. ഈ സ്കൂളിൽ മൂന്ന്കോടി രൂപ വിനിയോഗിച്ച് നിർമിക്കുന്ന പുതിയ മന്ദിരത്തിെൻറ ശിലാസ്ഥാപനം നിർവഹിക്കുകയായിരുന്നു മന്ത്രി. കിഴക്കൻ മേഖലയിലെ എല്ലാ സർക്കാർ സ്കൂളുകളും വൻതുക മുടക്കി ആധുനീകരിക്കുമെന്നും അദ്ദേഹം പറഞ്ഞു. പി.ടി.എ പ്രസിഡൻറ് ആർ. പ്രസാദ് അധ്യക്ഷത വഹിച്ചു. നഗരസഭ ചെയർമാൻ എം.എ. രാജഗോപാൽ മുഖ്യാതിഥിയായിരുന്നു. വൈസ് ചെയർപേഴ്സൺ കെ. പ്രഭ, സ്റ്റാൻഡിങ് കമ്മിറ്റി ചെയർമാൻ സുബാഷ് ജി.നാഥ്, കെ. ധർമരാജൻ, കെ.രാധാമണി, എം.നാസർ ഖാൻ, വി.വി. ഉല്ലാസ് രാജ്, എൻ.ഷാജിമോൻ, സന്ധ്യാതുളസി എന്നിവർ സംസാരിച്ചു. ഹെഡ്മിസ്ട്രസ് കെ.എസ്.വിക്ടോറിയ റിപ്പോർട്ട് അവതരിപ്പിച്ചു. പ്രിൻസിപ്പൽ സുമ സൂസൻ വർഗീസ് സ്വാഗതവും സ്റ്റാഫ് സെക്രട്ടറി ജി. അഞ്ജിത്ത് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.