തിരുവനന്തപുരം: പൊതുവിദ്യാലയങ്ങളിലെ മികച്ച ജൈവ വൈവിധ്യ ഉദ്യാനങ്ങൾക്കുള്ള സംസ്ഥാനതല പുരസ്കാരത്തിന് കണ്ണൂർ ജില്ലയിലെ കാനാട് എൽ.പി സ്കൂൾ അർഹമായി. ഇടുക്കി അടിമാലി ഗവ. ഹൈസ്കൂൾ രണ്ടാം സ്ഥാനവും പാലക്കാട് മംഗലം ഗാന്ധിസ്മാരക യു.പി സ്കൂൾ മൂന്നാം സ്ഥാനവും നേടി. ഒന്നും രണ്ടും മൂന്നും സ്ഥാനം നേടിയ വിദ്യാലയങ്ങൾക്ക് 50,000, 30,000, 20,000 രൂപ വീതമാണ് സമ്മാനം. തിരുവനന്തപുരം ആനാട് ഗവ. എൽ.പി സ്കൂളിനാണ് പ്രോത്സാഹന സമ്മാനം. പരിസ്ഥിതി ദിനമായ ജൂൺ അഞ്ചിന് തിരുവനന്തപുരത്ത് നടക്കുന്ന ഹരിതോത്സവം സംസ്ഥാനതല ഉദ്ഘാടന ചടങ്ങിൽ പുരസ്കാരം നൽകും. ഒാരോ ജില്ലയിലും ഒന്നും രണ്ടും മൂന്നും സ്ഥാനം നേടിയ വിദ്യാലയങ്ങൾക്ക് ജില്ലാതല ഉദ്ഘാടന ചടങ്ങിൽ സമ്മാനം നൽകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.