പൊലീസ് നീക്കം അപലപനീയം -സുധീരൻ തിരുവനന്തപുരം: വിദേശവനിത ലിഗയെ കാണാതായതുമുതലുള്ള എല്ലാ കാര്യങ്ങളിലും സജീവമായി ഇടപെടുകയും പൊലീസിെൻറയും സർക്കാറിെൻറയും വീഴ്ചകൾ ചൂണ്ടിക്കാണിക്കുകയും ചെയ്ത സാമൂഹികപ്രവർത്തക അശ്വതി ജ്വാലക്കെതിരായ പൊലീസ് നീക്കം അപലപനീയമാണെന്ന് വി.എം. സുധീരൻ. സത്യം കണ്ടെത്തുന്നതിന് നിരന്തരമായി ശ്രമിച്ച അശ്വതിയെ അഭിനന്ദിക്കുന്നതിന് പകരം ഉപദ്രവിക്കാൻ ശ്രമിക്കുന്ന പൊലീസ് നടപടി വിചിത്രമാണ്. പൊലീസിെൻറയും സർക്കാറിെൻറയും വീഴ്ചകളെക്കുറിച്ചും പാളിച്ചകളെക്കുറിച്ചും പ്രതികരിക്കുന്നവരുടെ മനോവീര്യം തകർക്കാനുമുള്ള ഇത്തരം ഹീനതന്ത്രങ്ങൾ കാലഹരണപ്പെട്ടതാണെന്ന് ഇനിയെങ്കിലും ഭരണ-പൊലീസ് നേതൃത്വങ്ങൾ മനസ്സിലാക്കണമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.