സ്ത്രീ പീഡനത്തിനെതിരെ വനിത പ്രതിരോധനിര ഉയരണം -ഗീതാ ഗോപി എം.എൽ.എ തിരുവനന്തപുരം: ജോയൻറ് കൗൺസിൽ സൗത്ത് ജില്ല സമ്മേളനത്തോടനുബന്ധിച്ചുള്ള 'വനിത ആരോഗ്യ സെമിനാർ' എം.കെ.എൻ. ചെട്ടിയാർ ഹാളിൽ ഗീതാഗോപി എം.എൽ.എ ഉദ്ഘാടനം ചെയ്തു. സ്വന്തം ആരോഗ്യം മറന്ന് കുടുംബകാര്യങ്ങളും തൊഴിൽ വിഷയങ്ങളുമായി മുന്നോട്ടുപോകുന്ന സ്ത്രീകൾക്ക് ഇത്തരം സെമിനാറുകൾ മാതൃകയാണെന്ന് ഗീതാഗോപി പറഞ്ഞു. 'വനിതാ ആരോഗ്യം' വിഷയത്തിൽ ഡോ. പ്രീതാ പ്രഭാകർ ക്ലാസെടുത്തു. വനിതാ കമ്മിറ്റി ജില്ല പ്രസിഡൻറ് ബി. ഉമാദേവി അധ്യക്ഷത വഹിച്ചു. ജോയൻറ് കൗൺസിൽ സംസ്ഥാന സെക്രട്ടറി കെ. ഷാനവാസ് ഖാൻ, വനിതാ കമ്മിറ്റി സംസ്ഥാന ജോയൻറ് സെക്രട്ടറി വി. ശശികല, സംസ്ഥാന വൈസ് പ്രസിഡൻറ് ബീനാ ഭദ്രൻ, ജോയൻറ് കൗൺസിൽ സംസ്ഥാന സെക്രേട്ടറിയറ്റ് അംഗം കെ.പി. ഗോപകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.