കാത്ത് ലാബുകള്‍ ഉടന്‍ പ്രവര്‍ത്തനസജ്ജമാകും-- -മന്ത്രി തിരുവനന്തപുരം: കുറഞ്ഞനിരക്കില്‍ അന്താരാഷ്ട്ര ഗുണമേന്മയുള്ള മികച്ച ഹൃദയചികിത്സാ സൗകര്യം ലഭ്യമാക്കുക എന്ന ലക്ഷ്യത്തോടെ സംസ്ഥാനത്തെ വിവിധ ആശുപത്രികളില്‍ സ്ഥാപിച്ചുവരുന്ന കാത്ത് ലാബുകള്‍ ഉടന്‍ പ്രവര്‍ത്തനസജ്ജമാകുമെന്ന് ആരോഗ്യമന്ത്രി കെ.കെ. ശൈലജ. ആര്‍ദ്രം പദ്ധതിയുടെ ഭാഗമായി 100 കോടി രൂപയിലധികം ചെലവഴിച്ചാണ് കാത്ത് ലാബുകള്‍ ഒരുക്കുന്നതെന്നും മന്ത്രി പറഞ്ഞു. തിരുവനന്തപുരം, ആലപ്പുഴ, കോട്ടയം, കോഴിക്കോട് മെഡിക്കല്‍ കോളജുകളില്‍ മാത്രമായിരുന്നു മുമ്പ് കാത്ത് ലാബ് ഉണ്ടായിരുന്നത്. രോഗികളുടെ ബാഹുല്യം കാരണം ഹൃദ്രോഗ ചികിത്സക്കുള്ള കാത്തിരിപ്പുമുണ്ടായിരുന്നു. ഇത് മനസ്സിലാക്കിയാണ് തിരുവനന്തപുരം, കോട്ടയം മെഡിക്കല്‍ കോളജുകളിലായി രണ്ടാമതായും തൃശൂര്‍, മഞ്ചേരി, പാരിപ്പള്ളി, എറണാകുളം മെഡിക്കല്‍ കോളജുകളില്‍ പുതുതായും കാത്ത് ലാബ് അനുവദിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.