വർഗീയത ഉയർത്തി ജനതയെ ഭിന്നിപ്പിക്കുന്നവരെ ഒറ്റപ്പെടുത്തണം -കെ. മുരളീധരൻ എം.എൽ.എ വട്ടിയൂർക്കാവ്: രാജ്യത്തെ വർഗീയമായി ഭിന്നിപ്പിച്ച് അധികാരത്തിൽ തുടരാൻ ശ്രമിക്കുന്ന ശക്തികളെ ഒറ്റപ്പെടുത്തണമെന്ന് കെ. മുരളീധരൻ എം.എൽ.എ. കുഞ്ഞുങ്ങൾക്കുപോലും സുരക്ഷിതത്വം ഇല്ലാത്ത നാടായി രാജ്യത്തെ അധഃപതിച്ച ഭരണാധികാരികൾ തൂത്തെറിയപ്പെടുമെന്നും അദ്ദേഹം പറഞ്ഞു. പ്രിയദർശിനി സംസ്കാരികസമിതിയുടെ ആഭിമുഖ്യത്തിൽ വട്ടിയൂർക്കാവിൽ സംഘടിപ്പിച്ച ഡോ. ബി.ആർ. അംബേദ്കർ ജയന്തി ആഘോഷം ഉദ്ഘാടനം ചെയ്യുകയായിരുന്നു മുരളീധരൻ. സമിതി പ്രസിഡൻറ് കാവല്ലൂർ മധു അധ്യക്ഷതവഹിച്ചു. വട്ടിയൂർക്കാവ് ചന്ദ്രശേഖരൻ, എസ്. നാരായണപിള്ള, േവട്ടമുക്ക് മധു, തൊഴുവൻകോട് സുരേന്ദ്രൻ, വിജികുമാർ, തോപ്പുമുട്ട് അനിൽ, ഇ.കെ. ബാബു, പി. സോമശേഖരൻ നായർ, കുരുവിക്കോട് ശശി, ഉണ്ണി, വിജയകുമാർ, വിനുകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.