തിരുവനന്തപുരം: 2017ലെ ഹോമിയോ, ആയുർവേദ, സിദ്ധ, യുനാനി എന്നീ മെഡിക്കൽ കോഴ്സുകളിലെയും അഗ്രികൾച്ചർ, ഫോറസ്ട്രി, ഫിഷറീസ് എന്നീ അനുബന്ധ കോഴ്സുകളിലെയും ഒഴിവുള്ള സീറ്റുകൾ നികത്തുന്നതിനായി സ്പോട്ട് അലോട്ട്മെൻറ് ഒക്ടോബർ 23ന് രാവിലെ 9.30ന് തിരുവനന്തപുരം ഗവ. ആയുർവേദ കോളജ് കാമ്പസിലുള്ള അനാട്ടമി ഹാളിൽ പ്രവേശന പരീക്ഷ കമീഷണർ നടത്തും. 23ന് സ്പോട്ട് അലോട്ട്മെൻറ് നടപടി പൂർത്തീകരിക്കാൻ കഴിയാതെവന്നാൽ 24ന് സ്പോട്ട് അലോട്ട്മെൻറ് പ്രക്രിയ തുടരുന്നതാണ്. 16.10.2017ലെ സർക്കാർ കത്തിലെ നിർദേശം അനുസരിച്ച് സ്വകാര്യ സ്വാശ്രയ ആയുർവേദ, സിദ്ധ, യുനാനി കോളജുകളിലെ ഒഴിവുള്ള സർക്കാർ സീറ്റുകൾ ഇൗ സ്പോട്ട് അലോട്ട്മെൻറിൽ നികത്തുന്നതാണ്. വെറ്ററിനറി കോഴ്സിലെ സീറ്റുകൾ സംബന്ധിച്ച് ഹൈേകാടതിയിൽ കേസ് നിലവിലുള്ളതിനാൽ വെറ്ററിനറി കോഴ്സിൽ ഒഴിവുവരുന്ന സീറ്റുകൾ സ്പോട്ട് അലോട്ട്മെൻറിന് പരിഗണിക്കുന്നതല്ല. പ്രേവശന പരീക്ഷ കമീഷണർ തയാറാക്കിയ മെഡിക്കൽ/ആയുർവേദ റാങ്ക്ലിസ്റ്റിൽ ഉൾെപ്പട്ടിട്ടുള്ള വിദ്യാർഥികൾക്ക് സ്പോട്ട് അലോട്ട്മെൻറിൽ പെങ്കടുക്കാവുന്നതാണ്. സ്പോട്ട് അലോട്ട്മെൻറ് സംബന്ധിച്ച വിശദമായി വിജ്ഞാപനം www.cee-kerala.org, www.cee.kerala.gov.in എന്നീ വെബ്സൈറ്റുകളിൽ പ്രസിദ്ധീകരിക്കുന്നതാണ്. ഹെൽപ്ലൈൻ നമ്പറുകൾ: 0471 2339101, 2339102, 2339103, 2339104.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.