പ്രാവച്ചമ്പലം-മലയിൻകീഴ് റോഡ് തകർന്നു നേമം: റോഡ് ഗതാഗതയോഗ്യമല്ലാതായിട്ടും പഞ്ചായത്തിന് കുലുക്കമില്ല. നാട്ടുകാർ പ്രക്ഷോഭത്തിന്. കരമന-കളിയിക്കാവിള റോഡിൽ പ്രാവച്ചമ്പലത്തുനിന്ന് മലയിൻകീഴിലേക്ക് പോകുന്ന റോഡാണ് തകർന്നുകിടക്കുന്നത്. കാലങ്ങളായി ഈ റോഡ് ടാർ ചെയ്തിട്ട്. റോഡ് തകർന്നതിന് പിന്നാലെ ഇവിടെ ഒരാഴ്ച മുമ്പ് പി.ഡബ്ല്യു.ഡി അധികൃതരെത്തി രണ്ടുവശത്തും ജെ.സി.ബി കൊണ്ട് കുഴിച്ച് കേബിൾ സ്ഥാപിച്ചിരുന്നു. ഇവിടെ മഴകൂടി പെയ്തതോടെ ചളിയും വെള്ളവുമായി കാൽനടപോലും അസാധ്യമായിരിക്കുകയാണ്. മൂക്കന്നിമലയിൽനിന്നുള്ള നിരന്തര ടിപ്പർ ലോറിയോട്ടം കൂടിയായതോടെ റോഡിെൻറ അവസ്ഥ ദയനീയമായി. റോഡ് എത്രയും വേഗം ടാറിട്ട് സഞ്ചാരയോഗ്യമാക്കാൻ പള്ളിച്ചൽ പഞ്ചായത്ത് തയാറാകണമെന്നും അല്ലാത്തപക്ഷം പ്രക്ഷോഭ പരിപാടികളുമായി രംഗത്തിറങ്ങുമെന്നും െറസി. അസോസിയേഷൻ ഭാരവാഹികൾ പറഞ്ഞു. ചിത്രം - തകർന്ന പ്രാവച്ചമ്പലം-മലയിൻകീഴ് റോഡ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.