കൊല്ലം: സംസ്ഥാന സീനിയർ ഹോക്കി ചാമ്പ്യൻഷിപ്പിൽ കൊല്ലത്തിന് രണ്ടാം മത്സരത്തിലും തകർപ്പൻ വിജയം. ആദ്യ മത്സരത്തിൽ കോഴിക്കോടിനെ ഗോൾ മഴയിൽ മുക്കിയ കൊല്ലം കഴിഞ്ഞദിവസം നിർത്തിയിടത്തുനിന്നുതന്നെയാണ് തുടങ്ങിയത്. തുടക്കം മുതൽ ആക്രമിച്ച് കളിച്ച കൊല്ലത്തിെൻറ താരങ്ങൾ ഒമ്പതു തവണയാണ് കാസർകോടിെൻറ വലകുലുക്കിയത്. ഞായറാഴ്ച ഏഴ് മത്സരങ്ങളാണ് നടന്നത്. തിരുവനന്തപുരം (രണ്ട്-ഒന്ന്) എറണാകുളത്തെയും, കൊല്ലം കാസർകോടിനെയും(ഒമ്പത്-പൂജ്യം), ആലപ്പുഴ പത്തനം തിട്ടയെയും (ഏഴ്--ഒന്ന്), ഇടുക്കി സായികൊല്ലത്തെയും (രണ്ട്-ഒന്ന്), തൃശൂർ കോഴിക്കോടിനെയും (രണ്ട്-ഒന്ന്), പാലക്കാട് വയനാടിനെയും(മൂന്ന്-ഒന്ന്) തോൽപിച്ചു. കണ്ണൂരും മലപ്പുറവും തമ്മിെല പോരാട്ടം അവസാന സെക്ഷനിലേക്ക് കടക്കവേ മഴ വില്ലനായെത്തി. തുടർന്ന് മത്സരം തിങ്കളാഴ്ച രാവിലത്തേക്ക് മാറ്റി. ഇരുടീമും ഒാരോ ഗോൾ വീതം നേടിയിട്ടുണ്ട്. ആശ്രാമം ഹോക്കി സ്റ്റേഡിയത്തിൽ നടക്കുന്ന ചാമ്പ്യൻഷിപ് 30ന് സമാപിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.