കൊല്ലം: ഉപജില്ല സ്‌കൂൾ കലോത്സവം സെൻറ് അലോഷ്യസ് ഹയർ സെക്കൻഡറി സ്‌കൂളിൽ നടക്കും. 27ന് രാവിലെ 10ന് എം. മുകേഷ് എം.എൽ.എ ഉദ്ഘാടനം ചെയ്യും. മേയർ വി. രാജേന്ദ്രബാബു അധ്യക്ഷത വഹിക്കും. ബാലനടൻ മാസ്‌റ്റർ സ്വരാജ് കലാദീപം തെളിക്കും. 30ന് നടക്കുന്ന സമാപന സമ്മേളനം ഡെപ്യൂട്ടി മേയർ വിജയ ഫ്രാൻസിസ് ഉദ്ഘാടനം ചെയ്യും. കൊല്ലം എ.ഇ.ഒ മുഹമ്മദ് സിദ്ദീഖ് സമ്മാനദാനം നിർവഹിക്കും. 99 സ്‌കൂളുകളിൽനിന്നായി 3100 കുട്ടികൾ പങ്കെടുക്കും. ഏഴ് വേദികളിലായാണ് മത്സരം നടക്കുന്നത്. മേളയുടെ നടത്തിപ്പിന് വിവിധ കമ്മിറ്റികൾ നേതൃത്വം നൽകുമെന്ന് എ.ഇ.ഒ വാർത്തസമ്മേളനത്തിൽ അറിയിച്ചു. പബ്ലിസിറ്റി കൺവീനർ എ. ഫ്രാൻസിസ്, സ്വീകരണ കമ്മിറ്റി കൺവീനർ പി. ജോൺസൺ, പ്രോഗ്രാം കമ്മിറ്റി കൺവീനർ ആൻഡേഴ്‌സൺ, എ. ഷാനവാസ് തുടങ്ങിയവരും വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.