പുതുശ്ശേരിമുക്ക്-കിളിമാനൂർ റോഡിൽ മാലിന്യംതള്ളൽ വ്യാപകം കല്ലമ്പലം: പുതുശ്ശേരിമുക്ക്-കിളിമാനൂർ റോഡിൽ ഈരാണിക്കോണം ക്വാറിയോട് ചേർന്ന് മാലിന്യംതള്ളൽ വ്യാപകം. അറവുമാലിന്യമാണ് തള്ളുന്നതിലധികവും. ഇതുമൂലം നാട്ടുകാരും യാത്രക്കാരും ദുരിതത്തിലാണ്. റോഡിെൻറ ഓരത്ത് മാലിന്യം വലിയതോതിൽ ചാക്കുകളിൽ കെട്ടി തള്ളിയിട്ടും അധികൃതരും നടപടി എടുക്കുന്നില്ലെന്ന് ആക്ഷേപമുണ്ട്. മാലിന്യം കുമിഞ്ഞുകൂടി ദുർഗന്ധം വ്യാപകമാണ്. തെരുവുനായ് ശല്യവും രൂക്ഷമാണ്. കരവാരം പഞ്ചായത്തിെൻറ അതിർത്തിപ്രദേശമായ പ്രദേശം മാലിന്യമുക്തമാക്കുന്നതിന് പഞ്ചായത്ത് അടിയന്തരനടപടി എടുക്കണമെന്ന് നാട്ടുകാർ ആവശ്യപ്പെടുന്നു. ചിത്രം. പുതുശ്ശേരിമുക്ക്-കിളിമാനൂർ റോഡിൽ ഈരാണിക്കോണത്തിന് സമീപം റോഡുവക്കിൽ മാലിന്യം തള്ളിയിരിക്കുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.