ഇടതുമുന്നണിയിൽ എല്ലാ കക്ഷികൾക്കും ഒരേപരിഗണന -എളമരം ഇരവിപുരം: ഇടത് മുന്നണിയിൽ ചെറുതുംവലുതുമായ എല്ലാകക്ഷിക്കും ഒരേ പരിഗണനയാണുള്ളതെന്ന് സി.പി.എം കേന്ദ്ര കമ്മിറ്റിയംഗം എളമരം കരീം. ആ മര്യാദയാണ് എൻ.സി.പിയോടും കാട്ടിയത്. മന്ത്രിസഭ യോഗത്തിൽനിന്ന് സി.പി.ഐ മന്ത്രിമാർ വിട്ടുനിന്നത് ഭരണഘടന ലംഘനമാണെന്നും അദ്ദേഹം പറഞ്ഞു. സി.പി.എം കൊല്ലം ഈസ്റ്റ് ഏരിയ സമ്മേളനത്തിെൻറ സമാപനംകുറിച്ച് അയത്തിൽ നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. എം.പി ഫണ്ട് ഉപയോഗിച്ച് നിർമിച്ച റോഡ് നീർത്തട സംരക്ഷണ നിയമം ലംഘിച്ചുള്ളതാണെങ്കിൽ അതിെൻറ ഉത്തരവാദിത്തം ഭരണാനുമതി നൽകിയ കലക്ടർക്ക് തന്നെയാണെന്നും എളമരം അഭിപ്രായപ്പെട്ടു. സുനിൽ ലാൽ, മുൻ എം.പി പി. രാജേന്ദ്രൻ, എം. നൗഷാദ് എം.എൽ.എ, എക്സ് ഏണസ്റ്റ്, എസ്. പ്രസാദ്, എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.