ഇരവിപുരം: ഉപേക്ഷിക്കപ്പെട്ട നിലയിൽ ബൈക്ക് കണ്ടെത്തി മാസങ്ങൾ കഴിഞ്ഞിട്ടും ഇത് സ്റ്റേഷനിലേക്ക് മാറ്റാൻ പൊലീസ് തയാറാകുന്നില്ലെന്ന ആക്ഷേപമുയരുന്നു. കൊല്ലൂർവിള പള്ളിമുക്ക് ഇക്ബാൽ ലൈബ്രറിക്ക് സമീപമാണ് ആലപ്പുഴ രജിസ്ട്രേഷനിലുള്ള ഹീറോ ഹോണ്ട ബൈക്ക് മാസങ്ങളായി ഉപേക്ഷിക്കപ്പെട്ട നിലയിലുള്ളത്. പള്ളിമുക്കിൽ ഇത് മൂന്നാമത്തെ ബൈക്കാണ് ഉപേക്ഷിക്കപ്പെട്ട നിലയിൽ കാണപ്പെടുന്നത്. ഇതിെൻറ പാർട്സുകളും മറ്റും മോഷ്ടാക്കൾ കടത്തികൊണ്ടുപോയി. ചെയിസിസും ചില ഭാഗങ്ങളും മാത്രമാണ് ബാക്കിയുള്ളത്. ബൈക്ക് മോഷ്ടാക്കൾ ഉപേക്ഷിച്ചതാണ് ഇക്ബാൽ ലൈബ്രറിക്ക് സമീപം ഇരിക്കുന്നതെന്നാണ് നാട്ടുകാർ പറയുന്നത്. ഇതിെൻറയും ഭാഗങ്ങൾ മോഷണം പോകുന്നതിന്മുമ്പ് എടുത്ത് മാറ്റണമെന്ന ആവശ്യമാണ് ശക്തമായിട്ടുള്ളത്. സി.പി.എം ശൂരനാട് ഏരിയ സമ്മേളനം ശാസ്താംകോട്ട: സി.പി.എം ശൂരനാട് ഏരിയ സമ്മേളനത്തിെൻറ ഭാഗമായ പ്രതിനിധി സമ്മേളനം ശനി, ഞായർ ദിവസങ്ങളിലും പൊതുസമ്മേളനം തിങ്കളാഴ്ചയും ചക്കുവള്ളിയിൽ നടക്കും. സമ്മേളനത്തിെൻറ മുന്നോടിയായുള്ള ചിത്ര പ്രദർശനം കെ. സോമപ്രസാദ് എം.പി ഉദ്ഘാടനം ചെയ്തു. പ്രതിനിധി സമ്മേളനം സംസ്ഥാന കമ്മിറ്റിയംഗം കെ. രാജഗോപാൽ ഉദ്ഘാടനം ചെയ്യും. തിങ്കളാഴ്ച പൊതുസമ്മേളനം ഉദ്ഘാടനം കേന്ദ്ര കമ്മിറ്റിയംഗം എ. വിജയരാഘവൻ നിർവഹിക്കും. ബഹുജന പ്രകടനം. റെഡ് വളൻറിയർ പരേഡ് എന്നിവയും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.