വെള്ളറട: ഭൂമാഫിയയുടെ കുഴലൂത്തുകാരനാണ് പിണറായി വിജയനെന്ന് കെ.പി.സി.സി സെക്രട്ടറി ആർ. വത്സലൻ. മദ്യം വേണ്ടെന്ന് പറഞ്ഞുനടക്കുന്ന എൽ.ഡി.എഫ് കേരളത്തെ മദ്യത്തിൽ മുക്കിക്കൊല്ലാനാണ് ശ്രമിക്കുന്നത്. എൽ.ഡി.എഫ് സർക്കാർ അഴിമതിയിൽ മുങ്ങിത്താഴുകയാണ്. പ്രതിപക്ഷ നേതാവ് രമേശ് ചെന്നിത്തല നയിക്കുന്ന പടയൊരുക്കവുമായി ബന്ധപ്പെട്ട് ഒപ്പ് ശേഖരണത്തിെൻറ ഭാഗമായി വെള്ളറട േബ്ലാക്ക് കോൺഗ്രസ് കമ്മിറ്റി. അമ്പൂരിയിൽ സംഘടിപ്പിച്ച യോഗം ഉദ്ഘാടനം ചെയ്യുകയായിരുന്നു അദ്ദേഹം. അമ്പൂരി മണ്ഡലം പ്രസിഡൻറ് തോമസ് മംഗലശ്ശേരി, ബ്ലോക്ക് പ്രസിഡൻറ് വിജയചന്ദ്രൻ, ഡി.സി.സി സെക്രട്ടറി പി.എ. അബ്രഹാം, യു.ഡി.എഫ് കൺവീനർ കെ. ദസ്തഗീർ, പാറശ്ശാല സുധാകരൻ എന്നിവർ സംസാരിച്ചു. 30ന് വെള്ളറടയിൽ എത്തുന്ന പടയൊരുക്കം മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.