കരുനാഗപ്പള്ളി: ബസ് യാത്രികയായ വയോധികയുടെ സ്വർണമാല പൊട്ടിച്ചെടുക്കുന്നതിനിടെ രണ്ട് നാടോടി സ്ത്രീകൾ അറസ്റ്റിൽ. തമിഴ്നാട് തൂത്തുക്കുടി റെയിൽവേ പുറംമ്പോക്കിൽ മാരിയമ്മ (42), റെയിൽവേ പുറമ്പോക്കിൽ മാത്താണി (24) എന്നിവരെയാണ് കരുനാഗപ്പള്ളി പൊലീസ് അറസ്റ്റ് ചെയ്തത്. കെ.എസ്.ആർ.ടി.സി കരുനാഗപ്പള്ളി ബസ്സ്റ്റേഷനിൽ ബസിൽ നിന്നിറങ്ങുന്നതിനിടെ കുലശേഖരപുരം കടത്തൂർ കാട്ടുംപുറത്ത് തെക്കതിൽ ആസി കുട്ടി (60)യുടെ ഒരുപവൻ മാല പൊട്ടിച്ചെടുക്കുന്നതിടെ യാത്രക്കാർ പിടികൂടി പൊലീസിനെ വിവരമറിയിക്കുകയായിരുന്നു. പൊലീസ് എത്തി ഇരുവരെയും അറസ്റ്റ് ചെയ്തു. ബുധനാഴ്ച രാവിലെ 9.45 നോടെയായിരുന്നു സംഭവം. ഇരുവരെയും കരുനാഗപ്പള്ളി ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.