തൃശൂർ: ചെരുപ്പിൽ ഒളിപ്പിച്ച കാമറയുമായി കലോത്സവ നഗരിയിൽ കറങ്ങിയ വയോധികനെ പൊലീസ് പിടികൂടി. ചൊവ്വാഴ്ച തേക്കിൻകാട്ടിലെ പ്രധാന വേദിയിൽ നിന്നാണ് ഇയാളെ പിടികൂടിയത്. ഇയാളുടെ നടപ്പിലെ അസാധാരണത്വത്തിൽ സംശയം തോന്നി നിഴൽ പൊലീസ് നടത്തിയ നിരീക്ഷണത്തിലാണ് ഇയാൾ കുടുങ്ങിയത്. സ്ത്രീകളും പെൺകുട്ടികളുമുള്ള ഭാഗത്ത് മാത്രം നിൽക്കുന്നതിലും കാൽ നീട്ടി വെയ്ക്കുന്നതിലും സംശയം തോന്നിയാണ് ഇയാളെ പരിശോധിച്ചത്. കാൽപ്പാദം മുഴുവൻ മറയുന്ന തരത്തിലുള്ള ചെരിപ്പിെൻറ മുകൾഭാഗം ഫോൺ കടത്തിവെക്കാൻ പാകത്തിൽ മുറിച്ച് അതിനകത്ത് മൊബൈൽഫോ‍ൺ ഒളിപ്പിച്ച് വെച്ചിരിക്കുകയായിരുന്നു. അശ്ലീല ചിത്രങ്ങൾ പകർത്താനായിരുന്നു ഇയാളുടെ ശ്രമമെന്ന് പൊലീസ് പറഞ്ഞു. ഈസ്റ്റ് പൊലീസ് ഇയാൾക്കെതിരെ കേസെടുത്ത ശേഷം ജാമ്യത്തിൽ വിട്ടു. തിങ്കളാഴ്ച ഭക്ഷണശാലയിൽ പൊലീസ് ട്രെയ്നിയോട് അപമര്യാദയായി പെരുമാറിയ കോട്ടയം സ്വദേശിയെയും പൊലീസ് ൈകയോടെ പിടികൂടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.