തൃശൂർ: കലോത്സവസദസ്സിൽ ചൊവ്വാഴ്ച വൈകീട്ട് ഋഷിരാജ് സിങ്ങായിരുന്നു താരം. പ്രധാന വേദിക്കു സമീപത്തെ എക്സൈസ് സ്റ്റാൾ സന്ദർശിക്കാനെത്തിയ അദ്ദേഹത്തിന് സിനിമാതാരങ്ങളെക്കാൾ സ്വീകാര്യതയാണ് ലഭിച്ചത്. കണ്ടയുടൻ ആളുകൾ സെൽഫിയെടുക്കാൻ ഒപ്പം കൂടി. വന്നവരോടൊക്കെ തമാശ പറഞ്ഞ് ഋഷിരാജ് സിങ്ങും. പിന്നെ വിമുക്തി പദ്ധതിയുടെ ഭാഗമായി തയാറാക്കിയ സ്റ്റാൾ സന്ദർശിച്ചു. പുറത്തിറങ്ങി അവിടെ തയാറാക്കിയിരുന്ന ബാസ്കറ്റ്ബാൾ ത്രോ ഒന്നു പരീക്ഷിച്ചു. മൂന്നുതവണ ബാളെടുത്ത് ബാസ്കറ്റ് ലക്ഷ്യമാക്കി എറിഞ്ഞെങ്കിലും മൂന്നും പാളി. കലോത്സവത്തിെൻറ പ്രധാന വേദിയിൽ കയറിയിറങ്ങി മത്സരങ്ങൾ കണ്ടശേഷമാണ് അദ്ദേഹം മടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.