അന്തിക്കാട്: അനുഭവങ്ങളുടെയും അഭിനയത്തിെൻറയും മിന്നും ഭാവങ്ങൾ സമ്മാനിച്ച് . 46 വർഷം മുമ്പ് തന്നിലേക്ക് സന്നിവേശിപ്പിച്ച, നിരവധി പുരസ്കാരങ്ങൾ വാരിക്കൂട്ടിയ കുന്തിയെന്ന നാടകത്തിലെ റിട്ട. ഐ.എ.എസ് ഓഫിസർ ഭവാനിയമ്മയെന്ന കഥാപാത്രത്തെയാണ് കുട്ട്യേടത്തി വീണ്ടും അവതരിപ്പിച്ചത്. പഴുവിൽ കാരുണ്യ ചാരിറ്റബിൾ സൊസൈറ്റിയുടെ ജീവകാരുണ്യ പ്രവർത്തനങ്ങൾക്ക് പണം സമാഹരിക്കാനായി സംഘടിപ്പിച്ച നാടകോത്സവത്തിെൻറ സമാപനത്തോടനുബന്ധിച്ചാണ് 46 വർഷത്തിന് ശേഷം നാടകം വീണ്ടും അരങ്ങിലെത്തിച്ചത്. കാരുണ്യ ചാരിറ്റബിൾ സൊസൈറ്റിയുടെ എട്ടാം വാർഷികാഘോഷ സമാപനസമ്മേളനം ഡോ. വിഷ്ണു ഭാരതീയ സ്വാമികൾ ഉദ്ഘാടനം ചെയ്തു. പ്രഫ. കെ.യു. അരുണൻ എം.എൽ.എ അധ്യക്ഷത വഹിച്ചു. നടി ശൈത്യ മുഖ്യാതിഥിയായി. കുന്തി നാടകത്തിെൻറ സംവിധായകൻ ജയ്ശങ്കർ പൊതുവത്ത് ഐ.വി. ശശി അനുസ്മരണം നടത്തി. ജില്ല പഞ്ചായത്തംഗം മഞ്ജുള അരുണൻ, വാർഡംഗം വിജി ഷൺമുഖൻ, വാസൻ പെരിങ്ങോട്ടുകര, സൊസൈറ്റി പ്രസിഡൻറ് സജിത്ത് പാണ്ടാരിക്കൽ, സെക്രട്ടറി ഇ.പി. സൈമൺ, ജെയ്ക്കോ മേയ്ക്കാട്ടുകുളം, പി.കെ. സോമസുന്ദരം എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.