പാലാ: ബിഷപ് ഫ്രാങ്കോക്കെതിരായ പീഡനക്കേസുമായി ബന്ധപ്പെട്ട് പാലായിലെ കൊറിയർ സർവിസിൽനിന്ന് പൊലീസ് തെളിവ് ശേഖരി ച്ചു. പാലായിലെ ബ്ലൂഡാർട്ട് ഡി.എച്ച്.എൽ കൊറിയർ സർവിസ് വഴി റോമിൽ മാർപാപ്പക്കും കർദിനാൾമാർക്കും പരാതി അയച്ചെന്ന് പരാതിക്കാരിയായ കന്യാസ്ത്രീ പൊലീസിൽ അറിയിച്ചിരുന്നു. ഇതിെൻറ നിജസ്ഥിതി ആരായാനാണ് പൊലീസ് കൊറിയർ സർവിസിൽ എത്തിയത്. കേസ് അന്വേഷിക്കുന്ന വൈക്കം എസ്.ഐ മോഹൻദാസിെൻറ നേതൃത്വത്തിലുള്ള സംഘമാണ് എത്തിയത്. കന്യാസ്ത്രീ 2018 േമയ് 15ന് റോമിലുള്ള മാർപാപ്പക്കും കർദിനാൾമാർക്കും കൊറിയർ അയച്ചതിന് നൽകിയ രസീതിെൻറ പകർപ്പുകൾ ഓഫിസിലെ ജീവനക്കാർ സ്ഥിരീകരിച്ചു. പൊലീസ് കാണിച്ച രസീതിെൻറ പകർപ്പുകൾ പ്രകാരം പാലായിലെ ബ്ലൂഡാർട്ട് ഡി.എച്ച്.എൽ കൊറിയർ സർവിസ് വഴി റോമിലേക്ക് മാർപാപ്പയുടെയും കർദിനാൾമാരുടെയും പേരിൽ അയച്ചതാണെന്ന് കൊറിയർ തയാറാക്കിയ ഓഫിസ് ജീവനക്കാരൻ പൊലീസിന് മൊഴി നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.