ഷൊർണൂർ: ചൊവ്വാഴ്ച ഉച്ചയോടെ പെയ്ത കനത്ത മഴയിലും കാറ്റിലും കുളപ്പുള്ളി എ.യു.പി സ്കൂളിന് മുകളിൽ വൻ മരം വീണ് രണ്ട് വിദ്യാർഥികൾക്ക് പരിക്ക്. ഒന്നാം ക്ലാസ് വിദ്യാർഥികളായ റിജു, ആദിത് എന്നിവർക്കാണ് പരിക്ക്. ഓട് പൊട്ടിവീണ് റിജുവിെൻറ തലക്ക് തുന്നലിട്ടിട്ടുണ്ട്. ഇവർ ഒറ്റപ്പാലത്തെ സ്വകാര്യ ആശുപത്രിയിലാണ്. ഉച്ചക്ക് പെയ്ത് തുടങ്ങിയ മഴക്ക് പിന്നാലെ രേണ്ടാടെ ശക്തമായ കാറ്റുമെത്തിയതോടെ തൊട്ടടുത്ത വളപ്പിലെ വലിയ മാവ് സ്കൂളിന് മുകളിലേക്ക് വീഴുകയായിരുന്നു. മാവിെൻറ വലിയ കൊമ്പുകൾ നിലത്ത് കുത്തിനിന്നതിനാൽ വൻ അപകടം ഒഴിവായി. കുളപ്പുള്ളി-കണയം റോഡിൽ നിരവധി സ്ഥലത്ത് മരം പൊട്ടിവീണതിനെ തുടർന്ന് ഗതാഗതം ഏറെനേരം തടസ്സപ്പെട്ടു. വൈദ്യുതി ലൈനിലേക്ക് മരം വീണതിനെ തുടർന്ന് ഉച്ചമുതൽ രാത്രിവരെ വൈദ്യുതി നിലച്ചു. വൈകീട്ട് വിദ്യാർഥികളും സ്ത്രീകളടക്കമുള്ള മറ്റ് യാത്രക്കാരും ലക്ഷ്യസ്ഥാനങ്ങളിലെത്താൻ ബുദ്ധിമുട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.