തിരൂരങ്ങാടി: സ്വന്തം സൈക്കിളെന്ന ലിയാനയുടെ മോഹം വെറുതെയായില്ല. കുഞ്ഞ് പ്രായം മുതൽ തനിക്ക് കിട്ടുന്ന നാണയത്തുട്ടുകൾ സൈക്കിളിനായി ശേഖരിച്ചത് സ്വന്തം ആഗ്രഹം മാറ്റിവെച്ച് പ്രളയബാധിതരായി പ്രയാസപ്പെടുന്ന ആളുകൾക്ക് വേണ്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുകയായിരുന്നു കൊടിഞ്ഞി എം.എ. ഹയർ സെക്കൻഡറി സ്കൂൾ ആറാം ക്ലാസ് വിദ്യാർഥിനിയായ ലിയാന ജുബിൻ. കൊടിഞ്ഞി അൽ അമീൻ നഗർ കോടിയാടൻ ഉമർ-ആയിശ ദമ്പതികളുടെ മകളാണ്. ലിയാനയുടെ വലിയ മനസ്സിനെ നേരിൽ കണ്ട് അഭിനന്ദിക്കാൻ വെൽഫെയർ പാർട്ടി നേതാക്കൾ എത്തുകയും സ്വപ്നമായ സൈക്കിൾ സമ്മാനമായി നൽകുകയും ചെയ്തു. സംസ്ഥാന സെക്രട്ടറി കൃഷ്ണൻ കുനിയിൽ, എഫ്.ഐ.ടി.യു സംസ്ഥാന സെക്രട്ടറി തസ്ലീം മമ്പാട്, വെൽഫെയർ പാർട്ടി ജില്ല പ്രസിഡൻറ് നാസർ കീഴുപറമ്പ്, പഞ്ചായത്ത് പ്രസിഡൻറ് പി. അബ്ദുൽ ഖാദർ ഹാജി, മണ്ഡലം വൈസ് പ്രസിഡൻറ് വി.കെ. രായിൻകുട്ടി ഹാജി, വാർഡ് മെംബർ വി.കെ. ഷമീന, ഇ. കുഞ്ഞിമൊയ്തീൻ ഹാജി, എ.എം. അബുലൈസ്, വി.കെ. മുജീബ് തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.