മലപ്പുറം: കോട്ടക്കൽ ഗവ. രാജാസ് സംസ്ഥാനത്ത് ഐ.എസ്.ഒ അഗീകാരമുള്ള ആദ്യത്തെ ഹയർ സെക്കൻഡറി സ്കൂളായി. ഇതു സംബന്ധിച്ച സർട്ടിഫിക്കറ്റ് സ്പീക്കർ പി. ശ്രീരാമകൃഷ്ണൻ സമ്മാനിച്ചു. ഗുണനിലവാരമുള്ള വിദ്യാഭ്യാസവും ഭൗതിക സാഹചര്യങ്ങളുടെ ശരിയായ വിനിയോഗവും മികച്ച ഓഫിസ് മാനേജ്മെൻറുമാണ് സ്കൂളിനെ അഗീകാരത്തിന് അർഹമാക്കിയത്. അധ്യാപകരുടെയും രക്ഷിതാക്കളുടെയും നാട്ടുകാരുടെയും കൂട്ടായ പരിശ്രമവും നേട്ടത്തിന് കാരണമായി. ആബിദ് ഹുസൈൻ തങ്ങൾ എം.എൽ.എ അധ്യക്ഷത വഹിച്ചു. പി.ടി.എ പ്രസിഡൻറ് ഡോ. സന്തോഷ് വള്ളിക്കാട്, കോട്ടക്കൽ നഗരസഭ അധ്യക്ഷൻ കെ.കെ. നാസർ, പൂർവ വിദ്യാർഥിയായ കെ. അബ്ദുൽ മജീദ്, നഗരസഭ വിദ്യാഭ്യാസ സ്ഥിരം സമിതി അധ്യക്ഷൻ സാജിദ് മങ്ങാട്ടിൽ, പ്രതിപക്ഷ നേതാവ് ടി.പി. സുബൈർ, പ്രിൻസിപ്പൽ ഇ.എൻ. വനജ, വാർഡ് കൗൺസിലർ രാമചന്ദ്രൻ മഠത്തിൽ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.