തിരൂർ: എറണാകുളം മഹാരാജാസ് കോളജിലെ കൊലപാതകം അപലപനീയമാണെന്ന് പി.കെ. കുഞ്ഞാലിക്കുട്ടി എം.പി. തിരൂർ വാഗൺ ട്രാജഡി സ്മാരക ടൗൺ ഹാളിൽ നടന്ന പൊന്നാനി പാർലമെൻറ് കൺവെൻഷനിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ഇത്തരക്കാരുമായി മുസ്ലിം ലീഗ് ഒരിക്കലും വിട്ടുവീഴ്ച ചെയ്തിട്ടില്ല. എന്നാൽ, സി.പി.എം വിട്ടുവീഴ്ച ചെയ്തതിെൻറ ഉദാഹരണമാണ് മലപ്പുറം ജില്ലയിലെ പറപ്പൂർ പഞ്ചായത്തിൽ എസ്.ഡി.പി.ഐയുമായി ചേർന്ന് ഭരിക്കുന്നതെന്നും അദ്ദേഹം പറഞ്ഞു. വിലക്കയറ്റം, പെട്രോൾ-ഡീസൽ വില, നോട്ടുനിരോധനം എന്നിവ കാരണം ജനം പൊറുതി മുട്ടിയിരിക്കുകയാണ്. വരുന്ന ലോക്സഭ തെരഞ്ഞെടുപ്പിൽ കേരളത്തിൽ യു.ഡി.എഫ് മേൽക്കൈ നേടുമെന്നും മോദി പുറത്താകുമെന്നും എം.പി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.