കരുളായി: ഗ്രാമപഞ്ചായത്തിൽ 2017-18 വർഷത്തിൽ പട്ടികജാതി-വര്‍ഗ കുടുംബങ്ങൾക്ക് തൊഴിലുറപ്പ് പദ്ധതിയിൽ നിർമാണം പൂർത്തിയാക്കിയ കിണറുകളുടെയും അടുത്ത സാമ്പത്തികവര്‍ഷത്തില്‍ നിര്‍മിക്കുന്ന കിണറുകളുടെ പ്രവൃത്തി ഉദ്ഘാടനവും പി.വി. അന്‍വര്‍ എം.എൽ.എ നിർവഹിച്ചു. ഈ വര്‍ഷം 50 കിണറുകളാണ് പൂര്‍ത്തിയാക്കിയത്. അടുത്ത വര്‍ഷത്തേക്ക് 150 കിണറുകള്‍ നിര്‍മിക്കാനാണ് ലക്ഷ്യം. ഒമ്പതാം വാര്‍ഡ്‌ കളംകുന്നിൽ നടന്ന ചടങ്ങില്‍ ഗ്രാമ പഞ്ചായത്ത് പ്രസിഡൻറ് വിശാരിയിൽ അസൈനാർ അധ്യക്ഷത വഹിച്ചു. വാർഡ് അംഗം മിനി കാരേരൻ, സ്ഥിരം സമിതി അധ്യക്ഷന്മാരായ പി. സുനീർ, കെ. മനോജ്, ഓവർസിയർ റഫീഖ് എന്നിവര്‍ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.