ഇരിട്ടി: കാക്കയങ്ങാടിനടുത്ത് ആയിച്ചോത്ത് വീട്ടിനുള്ളിലുണ്ടായ ഉഗ്രസ്ഫോടനത്തിൽ ആർ.എസ്.എസ് പ്രവർത്തകന് ഗുരുതര പരിക്ക്. ആയിച്ചോത്തെ മുക്കോലപുരയിൽ സന്തോഷിനെയാണ് (30) പരിക്കുകളോടെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചത്. യുവാവിെൻറ കൈപ്പത്തി ചിതറിയനിലയിലാണ്. ബുധനാഴ്ച രാത്രി 11ഓടെയാണ് നാടിനെ നടുക്കിയ സ്ഫോടനമുണ്ടായത്. വീടിെൻറ ജനൽ ഉൾെപ്പടെ തകർന്ന് തെറിക്കുകയും ചുവരുകൾക്ക് ഭാഗികമായി കേടുപാട് സംഭവിക്കുകയുംചെയ്തു. ഉഗ്രശബ്ദം കേട്ട് ഓടിക്കൂടിയ നാട്ടുകാർ സന്തോഷിനെ ആദ്യം തലശ്ശേരി ഇന്ദിര ഗാന്ധി ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാൽ കോഴിക്കോേട്ടക്ക് മാറ്റുകയായിരുന്നു. ബോംബ് നിർമാണശ്രമത്തിനിടയിലാണ് സംഭവം എന്ന നിഗമനത്തിൽ ജാമ്യമില്ലാവകുപ്പ് ചേർത്ത് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.