പട്ടാമ്പി: കെ.എസ്.ആർ.ടി.സിയുടെ സൂപ്പർ ഡീലക്സ് 'മിന്നൽ' എയർ ബസിന് കല്ലെറിഞ്ഞ രണ്ടുപേരെ അറസ്റ്റ് ചെയ്തു. നിധീഷ് മുളയങ്കാവ് (24), പ്രദീപ് മങ്കര (27) എന്നിവരാണ് പിടിയിലായത്. ഇവരെ റിമാൻഡ് ചെയ്തു. ഞായറാഴ്ച അർധരാത്രി സുൽത്താൻ ബത്തേരി-തിരുവനന്തപുരം ബസിന് കൊപ്പം ജങ്ഷനിൽ ഇവർ കൈ കാണിച്ചെങ്കിലും സ്റ്റോപ്പില്ലാത്തതിനാൽ നിർത്തിയില്ല. കല്ലേറിൽ യാത്രക്കാരിയായ വയനാട് സ്വദേശിനി സതിക്ക് പരിക്കേറ്റു. ഇവർക്ക് പട്ടാമ്പി താലൂക്ക് ആശുപത്രിയിൽ പ്രാഥമിക ചികിത്സ നൽകി. ചില്ല് തകർന്ന് 60,000 രൂപയുടെ നഷ്ടമുണ്ടായതായി കെ.എസ്.ആർ.ടി.സി അധികൃതർ പറഞ്ഞു. യാത്രക്കാരെ തൃശൂരിലെത്തിച്ച് മറ്റൊരു ബസൽ കയറ്റിവിട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.